Glódís Perla og félagar með sigur

Glódís Perla Viggósdóttir spilaði allan leikinn í hjarta varnarinnar hjá Rosengard í sigri liðsins gegn Kvarnsvedens.

Rosengard byrjuðu leikinn mun betur og voru komnar í 2-0 áður en flautað var til leikhlés og var það Ebba Wieder sem skoraði bæði mörk liðsins.

Rosengard héldu völdum sínum á vellinum í seinni hálfleiknum og jóku forystu sína á 71. mín með marki frá Sanne Troelsgaard. Kvarnsvedens náðu að minnka muninn á 87. mínútu með marki frá Tabita Chawinga en nær komust þær þó ekki.

Eftir leikinn er Rosengard með 42 stig í 2.sæti á meðan Kvarnsvedens eru með 19 stig í 11.sæti.