Sniðganga heimsmeistaramótið í skák vegna kröfu um að klæðast hijab nína hjördís þorkelsdóttir skrifar 1. október 2016 16:30 Heimsmeistaramót í íþróttum kvenna hafa aldrei verið haldin áður í Íran. mynd/getty Nazi Paikidze-Barnes, Bandaríkjameistari kvenna í skák, hefur ákveðið að sniðganga heimsmeistaramótið í skák sem haldið verður í höfuðborg Írans, Tehran, í febrúar á næsta ári. Ástæðan er sú að mótshaldarar krefjast þess að kvenkyns þátttakendur klæðist höfuðslæðu að múslimskum sið, hijab, meðan á keppni stendur en konur í Íran þurfa að hylja hár sitt lögum samkvæmt. Paikidze-Barnes er ekki eina skákkonan sem hefur boðað forföll á mótið vegna þessa en nokkrar af bestu skákkonum heims hafa ákveðið að fylgja fordæmi hennar.„Trúarleg og kynferðisleg mismunun“Nazi Paikidze-Barnes sagði í samtali við fréttastofu CNN að hún myndi standa föst á sínu, og myndi ekki taka þátt nema mótið yrði haldið annars staðar. „Íran hefur haldið skákmót áður og konum hefur alltaf verið gert að klæðast hijab. Þetta er bæði trúarleg og kynferðisleg mismunun,“ fullyrti Paikidze-Barnes. Önnur skákkona, Carla Heredia, hefur jafnframt hvatt hina 64 kvenkeppendur sem taka þátt í mótinu til þess að sniðganga það. Hún bindur þó vonir við það að Íranir láti undan þrýstingnum og veiti konum leyfi til þess að tefla slæðulausum.Íranskar skákkonur fordæma sniðgöngunaMitra Hejazipour, íranskur stórmeistari í skák kvenna, lýsti því yfir í samtali við The Guardian að sniðgangan fæli í sér vanmat á því mikla átaki sem verið hefur að undanförnu í að vekja athygli á íþróttaiðkun kvenna í Íran. „Þessi viðburður verður stærsta íþróttamót sem íranskar konur hafa upplifað, við höfum aldrei verið í aðstöðu til þess að halda heimsmeistaramót kvenna í íþróttum áður. Það er ekki réttmætt að hvetja til sniðgöngu, þetta mót er mikilvægt fyrir konur í Íran. Þetta er tækifæri til þess að sýna styrk okkar,“ sagði Hejazipour. Aðrar íþróttakonur hafa tekið í sama streng, til að mynda hin íransk-breska Ghoncheh Ghavami, sem sat í fangelsi í fimm ár í Íran fyrir að hafa mótmælt því að íranskar konur fengju ekki að vera viðstaddar á íþróttaleikvöngum til þess að fylgjast með íþróttaleikjum karla.Skjáskot af Nazi Paikidze-Barnes tefla við Katerinu Nemcovu.Lög um hijab hafa breyst í gegnum tíðinaKonum í Íran er skylt að hylja hár sitt með slæðu á almannafæri. Þessi lög hafa þó ekki alltaf staðið óhögguð. Um miðjan fjórða áratug síðustu aldar var lögunum breytt á þann veg að hijab og aðrar höfuðslæður voru gerðar ólöglegar og ótal dæmi eru um það að lögreglan hafi þvingað konur til þess að fjarlægja af sér slæðurnar. Ástæðan fyrir því að lögunum var breytt á sínum tíma var sú að þáverandi þjóðarleiðtogi Írans, Reza Shah, var hlynntur vestrænum gildum og taldi að slæðunotkun íranskra kvenna væri hlægileg í augum vesturlandabúa. Íranskar konur tóku ekki vel í breytinguna og þótti mörgum þeirra óþægilegt að þurfa skyndilega að sýna hár sitt á almannafæri. Lagabreytingin varð til þess að hópur íranskra kvenna kaus að fara ekki út fyrir hússins dyr til þess að komast hjá niðurlægingunni. Árið 1941 var lögunum breytt og höfuðslæður gerðar valkvæðar Árið 1984, í kjölfar írönsku byltingarinnar, varð önnur lagabreyting sem gerði það ólöglegt fyrir konur að vera án höfuðslæðu á almannafæri.Réttindabarátta íranskra kvenna má ekki við sniðgönguHópar Írana, sem vilja lagabreytingu sem geri höfuðslæðurnar valfrjálsar, eru háværir. Ghoncheh Ghavami sagði í samtali við The Guardian að milljónir Írana teldu að konur ættu að fá að velja sjálfar hvort þær kjósa að ganga með hijab og stór hópur fólks berst fyrir því að konur fái að stunda íþróttir í ríkari mæli. Ghavami sagði að áform vestrænna skákkvenna um að sniðganga heimsmeistaramótið væri skaðlegt konum í Íran og taldi ekki réttmætt að nota reglur um hijab sem tæki til þess að beita þrýstingi á landið og einangra það. „Íranskar konur eflast með hverjum deginum og þær eru að ýta til hliðar lagalegri og pólítískri mismunun. Þeir sem hafa áhyggjur af mannréttindum í Íran þurfa að gera sér grein fyrir þessu átaki og sjá hvers þær eru megnugar,“ sagði Ghavami. Mest lesið Forsetavaktin 2024: Hver verður sjöundi forseti lýðveldisins? Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Bergvin dæmdur fyrir að áreita þrjár konur Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent „Engu okkar er boðið að koma þarna og sjá“ Innlent „Það er miður að það falli til kostnaður vegna þessa“ Innlent Fleiri fréttir Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka Sjá meira
Nazi Paikidze-Barnes, Bandaríkjameistari kvenna í skák, hefur ákveðið að sniðganga heimsmeistaramótið í skák sem haldið verður í höfuðborg Írans, Tehran, í febrúar á næsta ári. Ástæðan er sú að mótshaldarar krefjast þess að kvenkyns þátttakendur klæðist höfuðslæðu að múslimskum sið, hijab, meðan á keppni stendur en konur í Íran þurfa að hylja hár sitt lögum samkvæmt. Paikidze-Barnes er ekki eina skákkonan sem hefur boðað forföll á mótið vegna þessa en nokkrar af bestu skákkonum heims hafa ákveðið að fylgja fordæmi hennar.„Trúarleg og kynferðisleg mismunun“Nazi Paikidze-Barnes sagði í samtali við fréttastofu CNN að hún myndi standa föst á sínu, og myndi ekki taka þátt nema mótið yrði haldið annars staðar. „Íran hefur haldið skákmót áður og konum hefur alltaf verið gert að klæðast hijab. Þetta er bæði trúarleg og kynferðisleg mismunun,“ fullyrti Paikidze-Barnes. Önnur skákkona, Carla Heredia, hefur jafnframt hvatt hina 64 kvenkeppendur sem taka þátt í mótinu til þess að sniðganga það. Hún bindur þó vonir við það að Íranir láti undan þrýstingnum og veiti konum leyfi til þess að tefla slæðulausum.Íranskar skákkonur fordæma sniðgöngunaMitra Hejazipour, íranskur stórmeistari í skák kvenna, lýsti því yfir í samtali við The Guardian að sniðgangan fæli í sér vanmat á því mikla átaki sem verið hefur að undanförnu í að vekja athygli á íþróttaiðkun kvenna í Íran. „Þessi viðburður verður stærsta íþróttamót sem íranskar konur hafa upplifað, við höfum aldrei verið í aðstöðu til þess að halda heimsmeistaramót kvenna í íþróttum áður. Það er ekki réttmætt að hvetja til sniðgöngu, þetta mót er mikilvægt fyrir konur í Íran. Þetta er tækifæri til þess að sýna styrk okkar,“ sagði Hejazipour. Aðrar íþróttakonur hafa tekið í sama streng, til að mynda hin íransk-breska Ghoncheh Ghavami, sem sat í fangelsi í fimm ár í Íran fyrir að hafa mótmælt því að íranskar konur fengju ekki að vera viðstaddar á íþróttaleikvöngum til þess að fylgjast með íþróttaleikjum karla.Skjáskot af Nazi Paikidze-Barnes tefla við Katerinu Nemcovu.Lög um hijab hafa breyst í gegnum tíðinaKonum í Íran er skylt að hylja hár sitt með slæðu á almannafæri. Þessi lög hafa þó ekki alltaf staðið óhögguð. Um miðjan fjórða áratug síðustu aldar var lögunum breytt á þann veg að hijab og aðrar höfuðslæður voru gerðar ólöglegar og ótal dæmi eru um það að lögreglan hafi þvingað konur til þess að fjarlægja af sér slæðurnar. Ástæðan fyrir því að lögunum var breytt á sínum tíma var sú að þáverandi þjóðarleiðtogi Írans, Reza Shah, var hlynntur vestrænum gildum og taldi að slæðunotkun íranskra kvenna væri hlægileg í augum vesturlandabúa. Íranskar konur tóku ekki vel í breytinguna og þótti mörgum þeirra óþægilegt að þurfa skyndilega að sýna hár sitt á almannafæri. Lagabreytingin varð til þess að hópur íranskra kvenna kaus að fara ekki út fyrir hússins dyr til þess að komast hjá niðurlægingunni. Árið 1941 var lögunum breytt og höfuðslæður gerðar valkvæðar Árið 1984, í kjölfar írönsku byltingarinnar, varð önnur lagabreyting sem gerði það ólöglegt fyrir konur að vera án höfuðslæðu á almannafæri.Réttindabarátta íranskra kvenna má ekki við sniðgönguHópar Írana, sem vilja lagabreytingu sem geri höfuðslæðurnar valfrjálsar, eru háværir. Ghoncheh Ghavami sagði í samtali við The Guardian að milljónir Írana teldu að konur ættu að fá að velja sjálfar hvort þær kjósa að ganga með hijab og stór hópur fólks berst fyrir því að konur fái að stunda íþróttir í ríkari mæli. Ghavami sagði að áform vestrænna skákkvenna um að sniðganga heimsmeistaramótið væri skaðlegt konum í Íran og taldi ekki réttmætt að nota reglur um hijab sem tæki til þess að beita þrýstingi á landið og einangra það. „Íranskar konur eflast með hverjum deginum og þær eru að ýta til hliðar lagalegri og pólítískri mismunun. Þeir sem hafa áhyggjur af mannréttindum í Íran þurfa að gera sér grein fyrir þessu átaki og sjá hvers þær eru megnugar,“ sagði Ghavami.
Mest lesið Forsetavaktin 2024: Hver verður sjöundi forseti lýðveldisins? Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Bergvin dæmdur fyrir að áreita þrjár konur Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent „Engu okkar er boðið að koma þarna og sjá“ Innlent „Það er miður að það falli til kostnaður vegna þessa“ Innlent Fleiri fréttir Myndband sýnir árás Diddy Færeyingar felldu frumvarp um fóstureyðingar Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka Sjá meira