Norska ríkið hættir að borga prestum
Frá og með 1. janúar 2017 verða prestar í Noregi ekki lengur ríkisstarfsmenn. Þeir fá þá laun frá kirkjunni en ekki ríkinu. Þetta fyrirkomulag hefur valdið óánægju meðal nokkurra presta sem hafa sagt starfi sínu lausu.
Breytingar á sambandi norsku þjóðkirkjunnar og ríkisins hófust 2012 og á þeim að vera lokið 2020 þegar ný reglugerð um kirkjuna á að taka gildi. Norska kirkjan fær enn fé frá ríkinu en á pólitískum vettvangi eru vangaveltur um hvort starfsemina eigi eingöngu að fjármagna með gjöldum sóknarbarna.
Fréttin birtist fyrst í Fréttablaðinu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
