Boða til mótmæla vegna ákvörðunar kjararáðs

Flokkur fólksins hefur boðað til mótmæla á Austurvelli laugardaginn næstkomandi vegna ákvörðunar kjararáðs um að hækka laun alþingismanna, ráðherra og forseta Íslands. 

Þingfararkaup alþingismanna hefur hækkað um 45 prósent og nemur 1,1 milljónum króna á ári. Í fréttatilkynningunni segir að Flokkur fólksins mótmæli harðlega gjörningi kjararáðs. „Við lítum á þetta sem hræsni og blauta tusku í andlit þeirra sem lifa hér við kröpp kjör og er haldið hér í fátæktargildrum. Sýnum samstöðu og mætum öll með baráttuna og mótmælaspjöldin að vopni," kemur fram í tilkynningunni.