Sjáðu flutning Grimmie á Wrecking Ball sem sló í gegn hjá dómurum The Voice

Morðið á bandarísku söngkonunni Christina Grimmie hefur vakið óhug og sorg meðal aðdáenda hennar. Grimmie var skotin til bana eftir tónleika í borginni Orlando í Flórída í gær, 22 ára gömul.

Grimmie hafði öðlast nokkra frægð eftir að hún lenti í þriðja sæti í hinum geysivinsælu hæfileikaþáttum The Voice árið 2014, en hún byrjaði feril sinn með því að flytja fræg popplög á Youtube.

Bandarískir miðlar rifja margir upp í dag fyrstu áheyrnarprufu Grimmie í The Voice. Þar negldi hún smellinn Wrecking Ball með Miley Cyrus og vakti mikla hrifningu dómaranna fjögurra, sem og áhorfenda.

Myndskeið af flutningnum má sjá hér að neðan.