Fjórar konur og barn drukknuðu

Fjórar konur og barn drukknuðu í morgun þegar báti þeirra hvolfdi undan strönd grísku eyjunnar Samos á Eyjahafi. Fimm hafa fundist á lífi og leitað er að fjórum til viðbótar.

Þetta eru fyrstu dauðsföllin frá því að nýr samningur Tyrklands og Evrópusambandsins tók gildi fyrir um þremur vikum síðar. Samningurinn kveður á flóttamönnum sem koma ólöglega til Grikklands frá Tyrklandi verði snúið umsvifalaust til baka. Markmið samningsins var meðal annars að reyna að koma í veg fyrir að flóttafólk reyni að komast sjóleiðina á litlum bátum.

Samkomulagið gerir Grikkjum jafnframt kleift að senda til Tyrklands flótta- og förufólk sem er án skilríkja. Stórir hópar flóttafólks hafa safnast upp þar sem för þeirra hefur verið stöðvuð á landamærum Grikklands og Makedóníu og hírist þar við rýran kost. Samkomulaginu er einnig ætlað að taka á þessum vanda að hluta. Þá fylgir samkomulaginu einnig fjárstuðningur ESB til Tyrklands vegna flóttamannamála oag aukinn kraftur verður settur í aðildarviðræður Tyrklands að ESB.

Mörg hundruð flóttamenn hafa verið sendir aftur til Tyrklands eftir að samkomulagið tók gildi, en það sem af er þessu ári hafa 152 þúsund flóttamenn komið til Grikklands. Alls hafa 366 drukknað á leiðinni yfir hafið frá Tyrklandi til Grikklands.