Innlent

Handprjónasambandið miður sín yfir lopapeysu sem borgarstjóri Chicago fékk að gjöf

Sunna Kristín Hilmarsdóttir skrifar
Rahm virtist vera sáttur með lopapeysuna en Handprjónasambandið er miður sín yfir málinu.
Rahm virtist vera sáttur með lopapeysuna en Handprjónasambandið er miður sín yfir málinu. Mynd/Vísir

Handprjónasamband Íslands hefur sent frá tilkynningu vegna lopapeysu sem Ragnheiður Elín Árnadóttir, iðnaðar-og viðskiptaráðherra, afhenti borgarstjóra Chicago, Rahm Emanuel, í gær en Vísir greindi frá gjöfinni. Peysan er ný hönnun frá fyrirtækinu 66° Norður en Icelandair gaf borgarstjóranum peysuna. Peysan heitir Grímsey og kostar samkvæmt vef 66° Norður 33 þúsund krónur.

Í tilkynningu Handprjónasambandsins vegna peysunnar segir:

„Við hjá Handprjónasambandi Íslands erum miður okkar yfir þessari sjón. Svona flík myndi aldrei vera boðin til sölu í okkar verslunum. Handprjónasambandið leggur metnað í að hafa til sölu vandaðar lopapeysur og peysurnar okkar eru allar prjónaðar á Íslandi sem ekki er reyndin með mikið af þeim peysum sem til sölu eru hér.“

Þá segir jafnframt að fróðlegt væri að vita hvort ráðherra iðnaðarmála hefði kannað uppruna peysunnar sem hún færði borgarstjóranum en Handprjónasambandið „hefur margoft bent á nauðsyn þess  að setja reglur um uppruna iðnaðarvara. Flestir ferðamenn vilja kaupa vörur frá Íslandi og þá sérstaklega lopapeysuna og annað handprjónað úr íslenskri ull.  Því miður höfum við ekkert nema okkar eigin orð fyrir því að lopapeysurnar okkar sé prjónaðar hér á landi; það vantar opinbert upprunavottorð og þegar/ef það kemur þarf að fylgja þvi eftir svo það verði ekki misnotað,“ eins og segir í tilkynningunni.

Fleiri virðast lítt hrifnir af peysunni og hafa fjölmargir tjáð sig um málið á Facebook, eins og sjá má á færslunum hér að neðan.

Fékk smágerði borgarstjóri Chicago allt of stóra lopapeysu? Hálsmálið virðist henta elg.

Posted by Steinunn Olina Thorsteinsdottir on Thursday, 17 March 2016

Hvað er með þetta hálsmál? Getur þessi "ráðherra" ekki gert neitt rétt?

Posted by Margrét Tryggvadóttir on Friday, March 18, 2016

Veslings maðurinn. Forljót peysa, með hálsmál fyrir fíl og fimm númerum of stór. Ragnheiður Elín ekki unnið heimavinnuna sína, eina ferðina enn ...

Posted by Einar Steingrimsson on Thursday, 17 March 2016

Ja hérna hér. Hvað er í gangi? Er ekki við hæfi að ráðamenn og konur leiti sér ráðgjafar þegar lopapeysa er versluð.

Posted by Ragnheiður Sjöfn Jóhannsdóttir on Friday, March 18, 2016

Þetta er hörmungin ein...kínverku prjónakonurnar ekki alveg skilið uppskriftina? Skammarlegt fyrir 66grN og ráðherrann :(

Posted by Snjáfríður Árnadóttir on Friday, March 18, 2016

Er að spá í að skella í eina á kallgreyið og senda honum afsökunarbréf.

Posted by Guðrún Björg Guðjónsdóttir on Friday, March 18, 2016

Þetta er nú til skammar að gefa svona peysu með svona hrikalegt hálsmál hverslags vinnubrögð eru þetta eiginlega eg ætla að vona að einhver taki að ser að laga þetta .

Posted by Dagný Stefánsdóttir on Friday, March 18, 2016

Er ekki viss um hvort höfuð borgarstjórans komist í gegnum hálsmálið á þessari íslensku lopapeysu! Ef þetta á að vera að...

Posted by Sigrún Jónsdóttir on Friday, March 18, 2016

Ætli þetta sé gamla Icelandair peysan! Virkar eins og tjald.

Posted by Ella Magga Sæmunds on Friday, March 18, 2016

Fail dagsins: Var ekki hægt að googla mannin og sjá að hann væri ekki XXL maður og kaupa lopapeysu í réttri stærð?

Posted by Dagbjört Brynjarsdóttir on Friday, March 18, 2016

Af hverju hefur iðnaðar- og viðskiptaráðherra leyfi til að bera út slíkan óhróður um íslenskt handverk erlendis eins og...

Posted by Sigridur Thorarensen on Friday, March 18, 2016

getur einhver gefið skýringu á hvað svona dula táknar sem gjöf - auðsjáanlegt er að ekki er ætlast til að neinn venjulegur maður klæðist þessu

Posted by Guðlaug Birgisdóttir on Friday, March 18, 2016

Tengdar fréttir

Vilja að lopapeysurnar séu prjónaðar á Íslandi

Verkalýðsfélagið Framsýn íhugar að óska eftir upplýsingum frá íslenskum aðilum sem láta framleiða íslenskar lopapeysur í Kína til þess að selja á Íslandi. Óskað verður eftir upplýsingum um kjör og aðbúnað fólksins í Kína sem framleiðir lopapeysurnar fyrir markaðinn á Íslandi. Á vef Framsýnar segir að Kínverjar hafi fram að þessu ekki verið þekktir fyrir góð launakjör eða aðbúnað verkafólks, sé tekið mið af því sem gerist á Íslandi.

Selja "íslenskar“ lopapeysur sem eru prjónaðar í Kína

Töluvert magn af lopapeysum sem seldar eru í verslunum er prjónað eða framleitt erlendis. Peysurnar eru oft merktar sem íslensk hönnun eða vara en ekki tilgreint hvar þær eru gerðar. Enginn greinarmunur er gerður á þessum peysum og þeim sem prjónaðar eru hérlendis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.