FBI til rannsóknar vegna umsátursins í Oregon

Tveir útsendarar FBI er til rannsóknar yfirvalda í Oregon. Þeir voru viðstaddir þegar Robert Finicum var skotinn til bana af lögreglu í janúar og gerðu ekki grein fyrir því að hafa hleypt af byssum sínum. Rannsóknarmenn fundu byssukúlur á vettvangi sem ekki var hægt að gera grein fyrir.

Finicum var talsmaður hóps manna sem höfðu lagt undir sig skrifstofur friðlands í Oregon.

Þegar Finicum ók bíl sínum að vegatálma lögreglunnar var þremur skotum skotið í bílinn af lögreglu. Bíllinn endaði utanvegar og Finicum var skotinn til bana þegar hann teygði sig eftir byssu sinni.

Sjá einnig: Segja Finicum hafa verið myrtan af lögreglu

Rannsakendur fundu meðal annars fjórðu kúluna í bílnum, sem talið er að útsendari FBI hafi skotið. Tveir menn eru taldir hafa skotið sitt hvoru skotinu og ekki sagt frá því.

Fjölskylda Finicum dregur útskýringar lögreglunnar í efa og heldur því fram að hann hafi verið myrtur. Ekkja hans hefur gefið út að hún ætli að leita réttar síns.

Samkvæmt AP fréttaveitunni ólu hjónin upp fjölmörg fósturbörn á heimili þeirra. Börnin voru fjarlægð af heimili þeirra skömmu eftir að Finicum og félagar hans tóku yfir skrifstofurnar, en hann hefur sagt að börnin hafi verið hans helsta tekjulind.