Utanríkisráðherra Frakklands segir af sér

Laurent Fabius, utanríkisráðherra Frakklands, hefur sagt af sér embætti. Hann segist hafa verið á sínum síðasta ríkisstjórnarfundi í dag. Hann er annar ráðherrann sem segir af sér á tveimur vikum.

Fabius hefur ekki sagt til um afhverju hann er að segja af sér, en samkvæmt frétt BBC er verið að stokka upp í ríkisstjórn Frakklands.

Hann var forsætisráðherra Frakklands á níunda áratug síðustu aldar og er Fabius talin vera arkitekt utanríkisstefnu landsins undanfarin þrjú ár. Frakkar hafa barist við vígamenn í Malí og tekið þátt í loftárásum gegn Íslamska ríkinu í Sýrlandi og Írak.

Talið er að Francois Hollande muni tilnefna hann sem formann stjórnarskrárdómstóls Frakklands. Ekki liggur fyrir hver muni taka við af honum sem utanríkisráðherra.