Breiðablik styrkti sig í gær þegar brasilískur leikmaður samdi við Pepsi-deildar félagið.
Sá heitir Daniel Bamberg og er 31 árs gamall miðjumaður. Hann getur einnig leikið sem framherji.
Þessi strákur hefur undanfarin ár leikið í efstu deild í Noregi og Svíþjóð að því er segir á heimasíðu Blika. Hann hefur meðal annars spilað með Norrköping og Örebro en síðustu ár hefur hann verið á mála hjá Haugasund í Noregi.
Bamberg á að baki 248 leiki í efstu deild og hefur skorað í þeim 52 mörk.
Leikmaðurinn er staddur í Brasilíu en er væntanlegur í Kópavoginn fljótlega.
Uppfært kl.12.13:
Upprunalega var sagt í fréttinni að leikmaðurinn væri sænskur Brassi. Það reyndust ekki vera réttar upplýsingar sem komu frá Blikum. Þetta er einfaldlega Brasilíumaður.
Brassi til Blika
