Kúvending Sigmundar: Leggur til „ómerkilega brellu“ og „tilraun til popúlisma“ Jóhann Óli Eiðsson skrifar 5. ágúst 2016 10:31 Þingmaðurinn Sigmundur Davíð er ósammála forsætisráðherranum Sigmundi Davíð. visir/friðrik þór Í viðtölum í gær viðraði Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, hugmyndir um afturvirkar greiðslur til elli- og örorkulífeyrisþega. Að vissu leyti er þar ákveðin umpólun á ferð því slíkar hækkanir hefur Sigmundur áður kallað „ómerkilega brellu“ og „auma tilraun til popúlisma“. Þegar fjárlög voru til umræðu fyrir síðustu jól lögðu þingmenn stjórnarandstöðunnar það til að kjör aldraðra og öryrkja fengju kjör sín leiðrétt afturvirkt frá 1. maí 2015 til jafns við það sem kjarasamningar hjá aðilum vinnumarkaðarins gerðu ráð fyrir. Sú tillaga var felld. Í gærmorgun var Sigmundur Davíð gestur í þættinum Bítið á Bylgjunni. Þar var hann spurður út í afturvirkar hækkanir til lífeyrisþeganna. Þar sagði hann að fyrir síðustu áramót hefði eftir „erfiða umræðu“ verið tekin sú ákvörðun að gera það ekki. Í Hrafnaþingi, á sjónvarpsstöðinni ÍNN í gærkvöld sagði Sigmundur að ákveðið hefði verið að bíða með aðgerðir á þessu sviði þar til að ríkissjóður væri ekki lengur að safna skuldum. „Nú leyfir staða ríkissjóðs okkur að snúa vörn í sókn. Ég hef tekið í hendur fjölda eldri borgara, á fundum, ferðum um landið og bara út í búð, og lofað að við munum rétta hlutina,“ sagði Sigmundur. Hann bætti við að úr því að embættismenn fengu afturvirkar hækkanir þá væri það „eiginlega ómögulegt fyrir ríkið annað en að fara i afturvirkni“ þegar kæmi að leiðréttingu kjara ellilífeyrisþega. Aðalatriði málsins væri að menn vildu búa við það sama og aðrir og að aðgerðin væri ekki eins dýr og margir halda.Þvert á það sem áður var sagt Ummæli Sigmundar eru athyglisverð fyrir þær sakir að í umræðum um efnið, fyrir áramót, var hann afar andvígur tillögunni. Í óundirbúnum fyrirspurnartíma 3. desember síðastliðinn var hann spurður af Helga Hjörvar um afturvirkar hækkanir til fyrrgreindra hópa. Í svari sínu vék Sigmundur ekki beint að afturvirkum hækkunum. Hann sagði þó að „[væru] hækkanir aftur í tímann þá leiðir það til þess að prósentuhækkunin verður lægri en ella og komi hækkanirnar til í framtíðinni verður prósentuhækkunin hærri en ella.“ Þegar til hinna „erfiðu umræðna“ um fjárlagafrumvarpið kom tók Sigmundur Davíð sex sinnum til máls. Þrisvar til að gera grein fyrir atkvæði sínu og þrisvar til að tjá sig um atkvæðagreiðsluna. „Það sem stjórnarandstaðan hefur haft fram að færa hér er ekkert annað en ómerkileg brella. Verið er að reyna að slá ryki í augu fólks, reyna að gera menn óánægða með því að halda því fram að verið sé að svíkja þá um eitthvað sem þeir hafi átt inni,“ sagði Sigmundur undir miklum framíköllum þingheims þann 16. desember síðastliðinn. Síðar, sama dag, sagði Sigmundur að „[h]vað varðar eldri borgara og öryrkja munu þeir fá sínar bætur nú um áramótin uppfærðar til samræmis við launaþróun, reyndar að því marki að þeir fara fram úr lægstu launum um tíma fram í maí og um næstu áramót er aftur leiðrétt við eldri borgara og öryrkja þannig að þeir fylgi launaþróun.“ Kristján L. Möller, þingmaður Samfylkingarinnar, spurði Sigmund að sama hlut í óundirbúnum fyrirspurnartíma þann 25. janúar 2016. Þá benti Sigmundur á það að breytingar á lífeyri væru reiknaðar hver áramót og þar sem kaupmáttur hefði aukist mjög þá hefðu fyrrgreindir fengið „óvenjuháa prósentuhækkun lífeyrisgreiðslna um síðustu áramót“. „Virðulegur forseti. Skelfing er þetta nú aum tilraun til popúlisma. Háttvirtur þingmaður veit það mætavel — hann hefur setið hér á þingi lengi og meira að segja í ríkisstjórn — að lífeyrisgreiðslur hafa ætíð verið hækkaðar um áramót,“ sagði Sigmundur. Hann bætti því við að ef leið stjórnarandstöðunnar hefði verið farin hefðu kjör eldri borgara og öryrkja ekki hækkað jafn mikið og þau gerðu með núverandi fyrirkomulagi. Það er því nokkuð ljóst að skoðun Sigmundar á afturvirkum greiðslum til fyrrgreindra hópa hefur tekið nokkrum breytingum. Alþingi Tengdar fréttir Öryrkjar og aldraðir á fundi fjárlaganefndar: „Við getum auðveldlega útrýmt fátækt í þessu litla samfélagi“ Fulltrúar frá Landssambandi eldri borgara og Öryrkjabandalaginu komu á fund fjárlaganefndar í dag þar sem þeir fóru yfir það hvers vegna þeir telja að hækkanir elli- og örorkulífeyris eigi að vera afturvirkar frá 1. maí síðastliðnum. 10. desember 2015 16:23 Forstöðumenn ríkisstofnana fá allt að 48 % hækkun launa Kjararáð hækkar laun valinna nefndarformanna og forstöðumanna um tugi prósenta. Hækkunin bætist við almenna launahækkun. Forstjóri Útlendingastofnunar bar við óvæginni umræðu í fjölmiðlum. 13. júlí 2016 05:00 Ætlar að styðja afturvirkar hækkanir til aldraðra og öryrkja: „Við erum gjörsamlega búin að tapa þessari umræðu“ Ásmundur Friðriksson segist hafa gert mistök með því að greiða atkvæði gegn breytingartillögu minnihlutans um afturvirkar hækkanir ellilífeyris og örorkubóta. 11. desember 2015 09:31 Ásmundur sat hjá í atkvæðagreiðslu um afturvirkar hækkanir til aldraðra og öryrkja Sagðist í seinustu viku hafa gert mistök með því að greiða atkvæði gegn sambærilegri tillögu en gat þó ekki greitt atkvæði með hækkununum í gærkvöldi. 17. desember 2015 10:20 Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Nýtt slagorð Ísland Duty Free: „Ég er á leiðinni“ Innlent Margt ábótavant við byggingu Brákarborgar Innlent Strandveiðisjómenn vilji aftur fá kvóta sem þeir hafi selt frá sér Innlent Málinu lokið með sátt: „Við erum mjög sáttar með niðurstöðuna“ Innlent Segir nafn Trumps vera í Epstein-skjölunum Erlent Inga endurvekur 25 metra regluna Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Fleiri fréttir Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Sjá meira
Í viðtölum í gær viðraði Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, hugmyndir um afturvirkar greiðslur til elli- og örorkulífeyrisþega. Að vissu leyti er þar ákveðin umpólun á ferð því slíkar hækkanir hefur Sigmundur áður kallað „ómerkilega brellu“ og „auma tilraun til popúlisma“. Þegar fjárlög voru til umræðu fyrir síðustu jól lögðu þingmenn stjórnarandstöðunnar það til að kjör aldraðra og öryrkja fengju kjör sín leiðrétt afturvirkt frá 1. maí 2015 til jafns við það sem kjarasamningar hjá aðilum vinnumarkaðarins gerðu ráð fyrir. Sú tillaga var felld. Í gærmorgun var Sigmundur Davíð gestur í þættinum Bítið á Bylgjunni. Þar var hann spurður út í afturvirkar hækkanir til lífeyrisþeganna. Þar sagði hann að fyrir síðustu áramót hefði eftir „erfiða umræðu“ verið tekin sú ákvörðun að gera það ekki. Í Hrafnaþingi, á sjónvarpsstöðinni ÍNN í gærkvöld sagði Sigmundur að ákveðið hefði verið að bíða með aðgerðir á þessu sviði þar til að ríkissjóður væri ekki lengur að safna skuldum. „Nú leyfir staða ríkissjóðs okkur að snúa vörn í sókn. Ég hef tekið í hendur fjölda eldri borgara, á fundum, ferðum um landið og bara út í búð, og lofað að við munum rétta hlutina,“ sagði Sigmundur. Hann bætti við að úr því að embættismenn fengu afturvirkar hækkanir þá væri það „eiginlega ómögulegt fyrir ríkið annað en að fara i afturvirkni“ þegar kæmi að leiðréttingu kjara ellilífeyrisþega. Aðalatriði málsins væri að menn vildu búa við það sama og aðrir og að aðgerðin væri ekki eins dýr og margir halda.Þvert á það sem áður var sagt Ummæli Sigmundar eru athyglisverð fyrir þær sakir að í umræðum um efnið, fyrir áramót, var hann afar andvígur tillögunni. Í óundirbúnum fyrirspurnartíma 3. desember síðastliðinn var hann spurður af Helga Hjörvar um afturvirkar hækkanir til fyrrgreindra hópa. Í svari sínu vék Sigmundur ekki beint að afturvirkum hækkunum. Hann sagði þó að „[væru] hækkanir aftur í tímann þá leiðir það til þess að prósentuhækkunin verður lægri en ella og komi hækkanirnar til í framtíðinni verður prósentuhækkunin hærri en ella.“ Þegar til hinna „erfiðu umræðna“ um fjárlagafrumvarpið kom tók Sigmundur Davíð sex sinnum til máls. Þrisvar til að gera grein fyrir atkvæði sínu og þrisvar til að tjá sig um atkvæðagreiðsluna. „Það sem stjórnarandstaðan hefur haft fram að færa hér er ekkert annað en ómerkileg brella. Verið er að reyna að slá ryki í augu fólks, reyna að gera menn óánægða með því að halda því fram að verið sé að svíkja þá um eitthvað sem þeir hafi átt inni,“ sagði Sigmundur undir miklum framíköllum þingheims þann 16. desember síðastliðinn. Síðar, sama dag, sagði Sigmundur að „[h]vað varðar eldri borgara og öryrkja munu þeir fá sínar bætur nú um áramótin uppfærðar til samræmis við launaþróun, reyndar að því marki að þeir fara fram úr lægstu launum um tíma fram í maí og um næstu áramót er aftur leiðrétt við eldri borgara og öryrkja þannig að þeir fylgi launaþróun.“ Kristján L. Möller, þingmaður Samfylkingarinnar, spurði Sigmund að sama hlut í óundirbúnum fyrirspurnartíma þann 25. janúar 2016. Þá benti Sigmundur á það að breytingar á lífeyri væru reiknaðar hver áramót og þar sem kaupmáttur hefði aukist mjög þá hefðu fyrrgreindir fengið „óvenjuháa prósentuhækkun lífeyrisgreiðslna um síðustu áramót“. „Virðulegur forseti. Skelfing er þetta nú aum tilraun til popúlisma. Háttvirtur þingmaður veit það mætavel — hann hefur setið hér á þingi lengi og meira að segja í ríkisstjórn — að lífeyrisgreiðslur hafa ætíð verið hækkaðar um áramót,“ sagði Sigmundur. Hann bætti því við að ef leið stjórnarandstöðunnar hefði verið farin hefðu kjör eldri borgara og öryrkja ekki hækkað jafn mikið og þau gerðu með núverandi fyrirkomulagi. Það er því nokkuð ljóst að skoðun Sigmundar á afturvirkum greiðslum til fyrrgreindra hópa hefur tekið nokkrum breytingum.
Alþingi Tengdar fréttir Öryrkjar og aldraðir á fundi fjárlaganefndar: „Við getum auðveldlega útrýmt fátækt í þessu litla samfélagi“ Fulltrúar frá Landssambandi eldri borgara og Öryrkjabandalaginu komu á fund fjárlaganefndar í dag þar sem þeir fóru yfir það hvers vegna þeir telja að hækkanir elli- og örorkulífeyris eigi að vera afturvirkar frá 1. maí síðastliðnum. 10. desember 2015 16:23 Forstöðumenn ríkisstofnana fá allt að 48 % hækkun launa Kjararáð hækkar laun valinna nefndarformanna og forstöðumanna um tugi prósenta. Hækkunin bætist við almenna launahækkun. Forstjóri Útlendingastofnunar bar við óvæginni umræðu í fjölmiðlum. 13. júlí 2016 05:00 Ætlar að styðja afturvirkar hækkanir til aldraðra og öryrkja: „Við erum gjörsamlega búin að tapa þessari umræðu“ Ásmundur Friðriksson segist hafa gert mistök með því að greiða atkvæði gegn breytingartillögu minnihlutans um afturvirkar hækkanir ellilífeyris og örorkubóta. 11. desember 2015 09:31 Ásmundur sat hjá í atkvæðagreiðslu um afturvirkar hækkanir til aldraðra og öryrkja Sagðist í seinustu viku hafa gert mistök með því að greiða atkvæði gegn sambærilegri tillögu en gat þó ekki greitt atkvæði með hækkununum í gærkvöldi. 17. desember 2015 10:20 Mest lesið Stafræn skírteini hætta í símaveskjum Innlent Framtíð kirkjunnar enn óráðin Innlent Nýtt slagorð Ísland Duty Free: „Ég er á leiðinni“ Innlent Margt ábótavant við byggingu Brákarborgar Innlent Strandveiðisjómenn vilji aftur fá kvóta sem þeir hafi selt frá sér Innlent Málinu lokið með sátt: „Við erum mjög sáttar með niðurstöðuna“ Innlent Segir nafn Trumps vera í Epstein-skjölunum Erlent Inga endurvekur 25 metra regluna Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Fleiri fréttir Stafræn skírteini hætta í símaveskjum Margt ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Sjá meira
Öryrkjar og aldraðir á fundi fjárlaganefndar: „Við getum auðveldlega útrýmt fátækt í þessu litla samfélagi“ Fulltrúar frá Landssambandi eldri borgara og Öryrkjabandalaginu komu á fund fjárlaganefndar í dag þar sem þeir fóru yfir það hvers vegna þeir telja að hækkanir elli- og örorkulífeyris eigi að vera afturvirkar frá 1. maí síðastliðnum. 10. desember 2015 16:23
Forstöðumenn ríkisstofnana fá allt að 48 % hækkun launa Kjararáð hækkar laun valinna nefndarformanna og forstöðumanna um tugi prósenta. Hækkunin bætist við almenna launahækkun. Forstjóri Útlendingastofnunar bar við óvæginni umræðu í fjölmiðlum. 13. júlí 2016 05:00
Ætlar að styðja afturvirkar hækkanir til aldraðra og öryrkja: „Við erum gjörsamlega búin að tapa þessari umræðu“ Ásmundur Friðriksson segist hafa gert mistök með því að greiða atkvæði gegn breytingartillögu minnihlutans um afturvirkar hækkanir ellilífeyris og örorkubóta. 11. desember 2015 09:31
Ásmundur sat hjá í atkvæðagreiðslu um afturvirkar hækkanir til aldraðra og öryrkja Sagðist í seinustu viku hafa gert mistök með því að greiða atkvæði gegn sambærilegri tillögu en gat þó ekki greitt atkvæði með hækkununum í gærkvöldi. 17. desember 2015 10:20