Erlent

Pútín tók vel í grínið og samþykkti að hitta Elton John

sunna karen sigurþórsdóttir skrifar
Vladimír Pútín hefur samþykkt að hitta Elton John. Ekki er um grín að ræða í þetta sinn.
Vladimír Pútín hefur samþykkt að hitta Elton John. Ekki er um grín að ræða í þetta sinn. vísir/afp
Vladimír Pútín Rússlandsforseti hringdi nýverið í breska tónlistarmanninn Elton John og féllst á að hitta hann til að ræða stöðu samkynhneigðra þar í landi. Ekki er um grín að ræða í þetta sinn, samkvæmt fréttaveitunni AP.

Forsaga málsins er sú að Elton John lýsti því yfir í samtali við breska ríkisútvarpið að hann væri reiðubúinn til að ræða málefni samkynhneigðra við Rússlandsforseta. Nokkrum dögum síðar birti hann mynd á Instagram þar sem hann sagði forsetann hafa haft samband, þakkaði honum fyrir símtalið og sagðist hlakka til að hitta hann í eigin persónu.

Talsmaður Pútíns, Dmitry Peskov, kom þó af fjöllum þegar hann var spurður út í símtalið og sagði forsetann ekki hafa hringt. Í kjölfarið stigu tveir hrekkjalómar fram og viðurkenndu að um hrekk hafi verið að ræða.

Í samtali við rússneska fjölmiðla í dag sagði Peskov forsetann hafa tekið vel í grínið og ákveðið að samþykkja boð tónlistarmannsins. Það yrði dagskrá þeirra beggja háð hvenær fundurinn yrði.

Færsla Eltons John. Umræddur hrekkur.

Mest lesið


Fleiri fréttir

Sjá meira


×

Mest lesið