Fjórir í bann frá leikjum vegna atviksins í París

Dómari í Bretlandi hefur úrskurðað fjóra stuðningsmenn Chelsea í bann vegna hegðunar sinnar á neðanjarðarlestarstöð í París eftir leik liðsins við PSG í Meistaradeild Evrópu í febrúar.

Richard Barklie, Joshua Parsons og William Simpson var öllum meinað að sækja knattspyrnuleik næstu fimm árin og fjórði maðurinn, Jordan Munday, var settur í þriggja ára bann.

Þeldökkum manni var meinaður aðgangur að neðanjarðarlest en á myndbandsupptöku sést hinn fimmtugi Barklie ýta manninum tvívegis frá lestinni. Barklie sagðist saklaust og sakaði manninn um ofsafengna hegðun.

Niðurstaða dómara var hins vegar sú að fjórmenningarnir hafi gerst sekir um ögrandi og ósæmilega hegðun og hafi skaðað orðspor enskrar knattspyrnu í Evrópu.