Vill ekki tapa fyrir litlu systur Óskar Ófeigur Jónsson skrifar 24. apríl 2015 07:00 Næsta mark jafnar metið. Margrét Lára Viðarsdóttir er komin á fullt á ný eftir barnsburðinn. Fréttablaðið/getty Ásthildur Helgadóttir kom íslenskum knattspyrnukonum á kortið í Svíþjóð með frábærri frammistöðu sinni með Malmö-liðinu á árunum 2005 til 2007 en þessi fyrrum markahæsta landsliðskona Íslands skoraði 46 mörk í 58 leikjum í sænsku deildinni, meira en nokkur önnur íslensk knattspyrnukona. Margrét Lára Viðarsdóttir skoraði sitt 45. mark í 4-1 sigri á Sunnanå SK í byrjun október 2013 og virtist vera komin í dauðafæri til að jafna met Ásthildar. Hún náði þó ekki að skora fleiri mörk á tímabilinu og við tók síðan árs frí þar sem hún eignaðist sitt fyrsta barn.Bjartsýn á framhaldið Margrét Lára er nú mætt á ný í slaginn með Kristianstad-liðinu í sænsku deildinni og þessu sinni með fyrirliðabandið. „Staðan á mér er bara fín. Ég er alltaf að komast í betra og betra form og er að reyna að halda meiðslunum í lágmarki. Svo lengi sem það er bara svoleiðis þá gengur þetta vel. Ég er bara bjartsýn á framhaldið,“ segir Margrét Lára sem er á sínu sjötta tímabili í sænsku deildinni. „Það er gaman að vera komin aftur í deild þeirra bestu hér í Svíþjóð og það eru að mínu mati forréttindi að geta tekið þátt í því,“ segir Margrét Lára sem vantar aðeins sex leiki í að verða önnur íslenska konan á eftir Erlu Steinunni Arnardóttur til að spila hundrað leiki í sænsku kvennadeildinni. Margrét Lára hefur spilað með systur sinni, Elísu Viðarsdóttur, í A-landsliðinu en nú eru þær í fyrsta sinn saman í félagsliði. Fyrsta tímabil Elísu í atvinnumennsku var með Kristianstad í fyrra þegar Margrét Lára var í barnsburðarleyfi. „Það er mjög gaman að fá tækifæri til að vera saman í félagsliði. Við höfum aldrei spilað saman áður og erum að kynnast sem leikmenn sem er bara mjög gaman. Ég get miðlað henni af minni reynslu og á sama tíma getur hún sparkað í rassinn á systur sinni. Það drífur mig allavega áfram að vera með litlu systur á hverri æfingu því það vill enginn tapa fyrir litlu systur sinni,“ sagði Margrét Lára. „Þetta er allt komið á fullt og það óneitanlega miklu skemmtilegra að vera kominn inn í tímabilið í stað þess að vera enn á undirbúningstímabili. Það er kostur þess að spila erlendis að við byrjum rúmum mánuði fyrr en á Íslandi og spilum líka lengra fram á haustið. Mér finnst muna mikið um það,“ segir Margrét Lára.Tvær sem deila fyrirliðabandinu Margrét Lára er með meiri ábyrgð en þegar hún var síðast í Kristianstad því líkt og hjá landsliðinu er hún fyrirliði liðsins. „Við erum tvær sem deilum fyrirliðabandinu, ég og sænsk stelpa. Það gengur bara mjög vel,“ segir Margrét Lára. Margrét er að spila í sókninni en þó ekki sem fremsti leikmaður. „Ég er í þessari tíu-stöðu sem ég var í seinast áður en að ég fór í barnsburðarleyfi. Ég er senter en fer samt aftar á völlinn heldur en hinn framherjinn. Þetta er staða sem hentar mér mjög vel í augnablikinu. Svo sjáum við til hvort ég færist ekki aðeins framar þegar líða tekur á tímabilið,“ segir Margrét Lára sem hefur ekki náð að skora í fyrstu tveimur leikjum sínum.Aðeins lengra frá markinu „Ég er aðeins lengra frá markinu í þessari stöðu en þrátt fyrir það þá kann ég vel við mig þarna. Ég er mikið með boltann og get búið mikið til fyrir aðra og ég kann vel við það líka,“ segir Margrét Lára en auk Elísu spila Guðný Björk Óðinsdóttir og Ásgerður Stefanía Baldursdóttir með henni í Kristianstad-liðinu. Elísabet Gunnarsdóttir er síðan þjálfari liðsins. Margrét Lára Viðarsdóttir og félagar hennar í Kristianstad mæta öðru Íslendingaliði í kvöld þegar Kopparbergs/Göteborg kemur í heimsókn í 3. umferð sænsku deildarinnar. Arna Sif Ásgrímsdóttir spilar með Gautaborgarliðinu en hún er að stíga sín fyrstu spor í atvinnumennskunni. Nú er að sjá hvort Margrét Lára nái að jafna met Ásthildar í kvöld eða í næstu leikjum en það er nokkuð ljóst að markadrottning sænsku úrvalsdeildarinnar árið 2011 er hungruð í sitt fyrsta mótsmark eftir að hún varð mamma.Markahæstar í sænsku deildinni: Ásthildur Helgadóttir 46 mörk Margrét Lára Viðarsdóttir 45 Sara Björk Gunnarsdóttir 27 Erla Steina Arnardóttir 12 Dóra Stefánsdóttir 10 Fótbolti Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti „Við þurfum níu stig til að vinna titilinn“ Enski boltinn Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við höldum bara áfram þangað til að leikurinn er búinn“ Körfubolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Dagskráin í dag: Sófasunnudagur af bestu gerð Sport Fleiri fréttir Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sveindís sneri aftur í stórsigri Wolfsburg Ísak skoraði og Dusseldorf enn í baráttunni um sæti í efstu deild Sala drykkjarins í hæstu hæðum eftir myndirnar af Haaland Sjá meira
Ásthildur Helgadóttir kom íslenskum knattspyrnukonum á kortið í Svíþjóð með frábærri frammistöðu sinni með Malmö-liðinu á árunum 2005 til 2007 en þessi fyrrum markahæsta landsliðskona Íslands skoraði 46 mörk í 58 leikjum í sænsku deildinni, meira en nokkur önnur íslensk knattspyrnukona. Margrét Lára Viðarsdóttir skoraði sitt 45. mark í 4-1 sigri á Sunnanå SK í byrjun október 2013 og virtist vera komin í dauðafæri til að jafna met Ásthildar. Hún náði þó ekki að skora fleiri mörk á tímabilinu og við tók síðan árs frí þar sem hún eignaðist sitt fyrsta barn.Bjartsýn á framhaldið Margrét Lára er nú mætt á ný í slaginn með Kristianstad-liðinu í sænsku deildinni og þessu sinni með fyrirliðabandið. „Staðan á mér er bara fín. Ég er alltaf að komast í betra og betra form og er að reyna að halda meiðslunum í lágmarki. Svo lengi sem það er bara svoleiðis þá gengur þetta vel. Ég er bara bjartsýn á framhaldið,“ segir Margrét Lára sem er á sínu sjötta tímabili í sænsku deildinni. „Það er gaman að vera komin aftur í deild þeirra bestu hér í Svíþjóð og það eru að mínu mati forréttindi að geta tekið þátt í því,“ segir Margrét Lára sem vantar aðeins sex leiki í að verða önnur íslenska konan á eftir Erlu Steinunni Arnardóttur til að spila hundrað leiki í sænsku kvennadeildinni. Margrét Lára hefur spilað með systur sinni, Elísu Viðarsdóttur, í A-landsliðinu en nú eru þær í fyrsta sinn saman í félagsliði. Fyrsta tímabil Elísu í atvinnumennsku var með Kristianstad í fyrra þegar Margrét Lára var í barnsburðarleyfi. „Það er mjög gaman að fá tækifæri til að vera saman í félagsliði. Við höfum aldrei spilað saman áður og erum að kynnast sem leikmenn sem er bara mjög gaman. Ég get miðlað henni af minni reynslu og á sama tíma getur hún sparkað í rassinn á systur sinni. Það drífur mig allavega áfram að vera með litlu systur á hverri æfingu því það vill enginn tapa fyrir litlu systur sinni,“ sagði Margrét Lára. „Þetta er allt komið á fullt og það óneitanlega miklu skemmtilegra að vera kominn inn í tímabilið í stað þess að vera enn á undirbúningstímabili. Það er kostur þess að spila erlendis að við byrjum rúmum mánuði fyrr en á Íslandi og spilum líka lengra fram á haustið. Mér finnst muna mikið um það,“ segir Margrét Lára.Tvær sem deila fyrirliðabandinu Margrét Lára er með meiri ábyrgð en þegar hún var síðast í Kristianstad því líkt og hjá landsliðinu er hún fyrirliði liðsins. „Við erum tvær sem deilum fyrirliðabandinu, ég og sænsk stelpa. Það gengur bara mjög vel,“ segir Margrét Lára. Margrét er að spila í sókninni en þó ekki sem fremsti leikmaður. „Ég er í þessari tíu-stöðu sem ég var í seinast áður en að ég fór í barnsburðarleyfi. Ég er senter en fer samt aftar á völlinn heldur en hinn framherjinn. Þetta er staða sem hentar mér mjög vel í augnablikinu. Svo sjáum við til hvort ég færist ekki aðeins framar þegar líða tekur á tímabilið,“ segir Margrét Lára sem hefur ekki náð að skora í fyrstu tveimur leikjum sínum.Aðeins lengra frá markinu „Ég er aðeins lengra frá markinu í þessari stöðu en þrátt fyrir það þá kann ég vel við mig þarna. Ég er mikið með boltann og get búið mikið til fyrir aðra og ég kann vel við það líka,“ segir Margrét Lára en auk Elísu spila Guðný Björk Óðinsdóttir og Ásgerður Stefanía Baldursdóttir með henni í Kristianstad-liðinu. Elísabet Gunnarsdóttir er síðan þjálfari liðsins. Margrét Lára Viðarsdóttir og félagar hennar í Kristianstad mæta öðru Íslendingaliði í kvöld þegar Kopparbergs/Göteborg kemur í heimsókn í 3. umferð sænsku deildarinnar. Arna Sif Ásgrímsdóttir spilar með Gautaborgarliðinu en hún er að stíga sín fyrstu spor í atvinnumennskunni. Nú er að sjá hvort Margrét Lára nái að jafna met Ásthildar í kvöld eða í næstu leikjum en það er nokkuð ljóst að markadrottning sænsku úrvalsdeildarinnar árið 2011 er hungruð í sitt fyrsta mótsmark eftir að hún varð mamma.Markahæstar í sænsku deildinni: Ásthildur Helgadóttir 46 mörk Margrét Lára Viðarsdóttir 45 Sara Björk Gunnarsdóttir 27 Erla Steina Arnardóttir 12 Dóra Stefánsdóttir 10
Fótbolti Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti „Við þurfum níu stig til að vinna titilinn“ Enski boltinn Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við höldum bara áfram þangað til að leikurinn er búinn“ Körfubolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Dagskráin í dag: Sófasunnudagur af bestu gerð Sport Fleiri fréttir Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sveindís sneri aftur í stórsigri Wolfsburg Ísak skoraði og Dusseldorf enn í baráttunni um sæti í efstu deild Sala drykkjarins í hæstu hæðum eftir myndirnar af Haaland Sjá meira