Messi á skotskónum í 500. leiknum

Barcelona endurheimti toppsætið í spænsku úrvalsdeildinni með öruggum 4-0 sigri á Real Betis á Nývangi í kvöldi.

Börsungar eru nú með 38 stig á toppi deildarinnar, jafnmörg og Atlético Madrid en betri markatölu. Barcelona á auk þess leik til góða.

Heimamenn fengu ódýra vítaspyrnu á 29. mínútu. Neymar fór á punktinn og skaut í slá en Börsungar voru heppnir því frákastið fór af þýska varnarmanninum Heiko Westermann og í markið.

Fjórum mínútum síðar bætti Lionel Messi við marki og staðan orðin 2-0. Argentínumaðurinn lék sinn 500. leik fyrir Barcelona í kvöld og hélt að sjálfsögðu upp á það með marki.

Luís Suárez bætti svo tveimur mörkum við í seinni hálfleik og 4-0 sigur Barcelona staðreynd.