Van Persie er ekkert súr

Robin van Persie segir engin leiðindi fylgja því að hann sé ekki lengur leikmaður ensku úrvalsdeildarliðsins Manchester United.

Hinn 31 árs gamli hollenski framherji hefur nú gengið frá félagsskiptum sínum yfir í tyrkneska félagið Fenerbahce.

Robin van Persie var þrjú tímabil í herbúðum Manchester United, vann titilinn og markakóngstitilinn á frábæru fyrsta ári en tvö síðustu tímabilin hans á Old Trafford voru hinsvegar vonbrigði.

„Þetta er bara hluti af fótboltanum og svona er lífið. Ég sá þessa stund alveg nálgast ef ég segi alveg eins og er," sagði Robin van Persie við BBC.

Van Persie segist sé löngu búinn að venjast tilhugsuninni að hann væri að yfirgefa Manchester United.

„Ég átti stund með leikmönnum liðsins daginn áður en ég kom til Istanbul sem var sérstakt fyrir mig. Ég sá að allir kunnu að meta tíma minn hjá félaginu sem skipti mig miklu máli," sagði Van Persie.

Van Persie hrósaði líka Manchester United hvernig félagið stóð að félagsskiptum hans til tyrkneska félagsins.

Van Persie skoraði 58 mörk í 105 leikjum fyrir Manchester United þar af komu 26 þeirra á meistaratímabilinu 2012-12.

„Ég mun gera allt sem er í mínu valdi stendur til að hjálpa Fenerbahce að vinna marga titla," sagði Van Persie um komandi tímabil í Tyrklandi.