Brian Williams snýr ekki aftur

Brian Williams mun ekki snúa aftur sem fréttaþulur Nightly News á NBC. Honum var vikið úr starfi í febrúar eftir að upp komst að hann hafði um árabil logið til um að hafa verið í herþyrlu sem varð fyrir skotum í Írak. Lester Holt mun taka við Nightly News.

Holt hafði verið afleysingarmaður Williams um nokkurt skeið, Williams mun verða þulur á undirstöðinni MSNBC.

Eftir að hermaður sem var í umræddri þyrlu sagði að Williams hafi ekki verið í henni, fann innri rannsókn NBC mörg tilvik þar sem þulurinn hafði ýkt reynslu sína frá Írak. Samkvæmt AP fréttaveitunni, var Williams vinsælasti fréttaþulurinn í Bandaríkjunum.