Carragher þarf að klæðast United-treyju af Gary Neville í sjónvarpinu

Jamie Carraher, fyrrverandi miðvörður Liverpool, mun klæðast Manchester United-treyju í fyrsta þætti Monday Night Football á Sky Sports 9. ágúst.

Hann tapaði veðmáli við fyrrverandi United-bakvörðinn Gary Neville sem starfar með honum í þættinum. Veðmálið snerist um hversu mörg mörk Paulinho myndi skora fyrir Tottenham.

Neville sagðist viss um að Paulinho myndi ekki skora fleiri en 15 mörk en Carragher hafði tröllatrú á honum.

Brasilíumaðurinn gat lítið sem ekkert á tveimur árum hjá Tottenham og var seldur til Kína í sumar. Hann skoraði aðeins sex mörk í heildina á tveimur tímabilum.

Treyjan verður boðin upp eftir þáttinn og rennur ágóðinn til góðgerðarmála.

Just been confirmed @Carra23 has received my United shirt. He will wear it on the 9th August " First MNF of the season" think we can clap him

— Gary Neville (@GNev2) July 16, 2015