Umboðsmaður Touré: 90 prósent líkur á að hann fari frá Man City í sumar

Dimitri Seluk, umboðsmaður Yaya Touré, er jafnan duglegur að tjá sig um málefni skjólstæðings síns í fjölmiðlum.

Nú segir hann að 90% líkur séu á Touré yfirgefi Manchester City í sumar og þrjú félög séu á höttunum eftir miðjumanninum sem hefur verið gagnrýndur fyrir spilamennsku sína með City á tímabilinu.

Inter hefur verið nefnt sem líklegur áfangastaður fyrir Touré en Roberto Mancini, knattspyrnustjóri liðsins, stýrði Manchester City á sínum tíma og hefur mikinn hug á að fá fyrrum lærisvein sinn til Mílanó. Touré hefur einnig verið orðaður við Paris Saint-Germain.

Touré kom til Manchester City sumarið 2010 frá Barcelona og hefur síðan þá tvisvar orðið Englandsmeistari og einu sinni bikarmeistari.