Cole sagður vera á leið til LA Galaxy

Tími Ashley Cole á Ítalíu virðist vera á enda og Bandaríkin bíða handan við hornið.

LA Galaxy hefur verið í samningaviðræðum við Cole síðustu misseri og samkvæmt yfirlýsingum félagsins vantar ekki mikið upp á að menn nái saman. Cole er leikmaður Roma og ku kunna vel við sig á Ítalíu.

Bruce Arena, þjálfari Galaxy, sagði að liðið ætlaði að bæta þrem til fjórum mönnum við sig fyrir næsta tímabil.

Cole er með tvo til þrjá valmöguleika og einn af þeim er að vera áfram á Ítalíu en mál hans ættu að skýrast mjög fljótlega.