Forsætisráðherra Frakklands vill fá Barcelona í frönsku deildina

Ef Barcelona verður rekið úr spænsku úrvalsdeildinni þá gæti félagið fundið nýtt heimili í Frakklandi.

Það bendir margt til þess að Katalónía verði sjálfstætt ríki og það gæti orðið til þess að Barcelona verð ekki lengur hluti af spænsku deildinni.

Sjálfur forsætisráðherra Frakklands, Manuel Valls, hefur viðrað þá hugmynd að bjóða Barcelona að spila í frönsku úrvalsdeildinni.

„Mónakó spilar í frönsku deildinni og því gæri Barcelona alveg gert það," sagði forsætisráðherrann sem er mikill knattspyrnuáhugamaður og stuðningsmaður Barcelona.

Það er enn langt í land í máli Barcelona og spænsku deildarinnar en yfirmaður deildarinnar útilokar ekki að henda Barcelona út ef Katalóníu verður sjálfstætt ríki.