Náði myndbandi af hreyfilshlífinni hrynja af

Flugvél Sky Airlines með 137 farþega á leið frá Santiago í Chile til Copiano þurfti að snúa við eftir að hlífar utan um annan hreyfil hennar féllu af í flugtaki. Farþegi sem sat við vænginn var með símann uppi og tók myndband af herlegheitunum en þau má sjá hér að neðan.

Flugmaðurinn sagði í samtali við Daily Mail að hlífin hefði dottið af líklegast sökum þess að hún var ekki nægilega vel fest í upphafi. „Hlífin er í raun ekki nauðsynleg og í raun sambærileg húddinu á bílnum. Við vorum í engum vandræðum með vélina en það var hætta á að meira myndi falla af og skadda skrokkinn eða vænginn,“ segir Patrick Smith en hann stýrði vélinni.

Atvikið átti sér stað á fimmtudag en sama dag lenti írönsk vél í klandri eftir að hreyfill hennar féll af. Þurfti að fljúga henni á öðrum hreyflinum og nauðlenda í höfuðborginni Tehran. Mynd af þeim hreyfli er hægt að sjá í fréttinni einnig.

#Iran: MahanAir 747Boeing's engine detaches & falls in an urban area. Plane miraculously returns to #Tehran airport. pic.twitter.com/LAUAlsGNGZ

— Bahman Kalbasi (@BahmanKalbasi) October 15, 2015