Innlent

Þrír leitað á neyðarmóttöku fyrir þolendur kynferðisofbeldis frá því um helgina

Jóhann Óli Eiðsson skrifar
Neyðarmóttaka Landspítalans fyrir þolendur kynferðisofbeldis er staðsett í Fossvogi.
Neyðarmóttaka Landspítalans fyrir þolendur kynferðisofbeldis er staðsett í Fossvogi. vísir/vilhelm
Þrír hafa leitað aðstoðar á neyðarmóttöku Landsspítalans fyrir þolendur kynferðisofbeldis síðan á föstudag í kjölfar kynferðisbrota. Þetta segir Eyrún Jónsdóttir verkefnastjóri neyðarmóttöku Landspítalans í samtali við Vísi.

Menningarnótt fór fram í Reykjavík á laugardag og voru margir samankomnir í miðbæ Reykjavíkur en talið er að um 120 þúsund manns hafi verið þar er mest lét.

Í samtali við Vísi fyrr í mánuðinum sagði Eyrún að það væru einhverjir sem leituðu til móttökunnar eftir flestrar helgar ársins. Þrír komu á neyðarmóttökuna eftir för á Þjóðhátíð í Vestmannaeyjum um verslunarmannahelgina og fjórir leituðu þangað um og eftir Hinsegin daga. Um hundrað hafa leitað til móttökunnar það sem af er ári.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.