Sjáðu myndböndin sem koma strákunum í gírinn fyrir landsleiki

Lars Lagerbäck landsliðsþjálfari sýndi á blaðamannafundi KSÍ í dag myndband sem strákarnir horfðu á fyrir leikinn gegn Tékkum.

Það er komið í vana hjá liðinu að horfa á stemningsmyndband áður en þeir halda á völlinn. Það hefur hjálpað til við að koma þeim í rétta gírinn.

Það er þungarokkarinn og starfsmaður KSÍ, Dagur Sveinn Dagbjartsson, sem gerir peppmyndböndin fyrir landsliðið. Hann er einn harðasti Iron Maiden-maður landsins og lagavalið á myndbandinu sem sýnt var á fundinum í dag vakti því athygli. Bee Gees. Dagur vill koma því á framfæri að Lagerbäck hafi valið tónlistina í því myndbandi.

Það myndband horfðu strákarnir á nokkrum dögum fyrir leik en þessi tvö fyrstu sem má sjá hér að neðan horfðu strákarnir á rétt fyrir leik. Neðst er svo Bee Gees-myndbandið.

Tékklands-myndbandið Kasakstan-myndbandið Bee Gees-myndbandið umtalaða.