Drukkinn vinur Asprilla gaf hestinn hans

Kólumbíumaðurinn Faustino Asprilla kemst reglulega í fréttirnar út af furðulegustu hlutum.

Nú síðast gerði hann dauðaleit að verðlaunahesti sem vinur hans hafði gefið mönnum sem hann kunni engin skil á.

Vinur Asprilla var með verðlaunahestinn, sem heitir Lucas, í láni og á hreint svakalegu fylleríi ákvað hann að gefa hestinn.

Asprilla var ekki par sáttur og varð að endurheimta hestinn. Hann lofaði því háum fundarlaunum til þeirra sem gætu fundið hann.

Allt er nú gott sem endar vel því Lucas fannst að lokum í hesthúsi og er nú kominn á búgarð Aspilla á nýjan leik.