Hart hetja Manchester City í Melbourne | Sjáðu mörkin og vítaspyrnukeppnina

Joe Hart var hetja Manchester City í leik liðsins gegn Roma í International Champions Cup en leiknum lauk rétt í þessu í Melbourne í Ástralíu. Hart varði tvær vítaspyrnur ásamt því að skora úr eigin vítaspyrnu.

Raheem Sterling skoraði fyrsta mark leiksins eftir rúmlega tveggja mínútu leik þegar hann fékk góða stungusendingu inn fyrir vörn Roma og renndi boltanum framhjá Morgan De Sanctis. Stuttu síðar jafnaði Pjanic metin með glæsilegu skoti sem Willy Caballerro sem var í marki Mancehster City í fyrri hálfleik réði ekki við.

Ashley Cole, vinstri bakvörður Roma, sem kom inná í hálfleik einfaldlega gaf Manchester City annað mark sitt. Kelechi Iheanacho komst þá inn í slaka sendingu Ashley Cole aftur á markmanninn og lagði boltann í netið.

Roma náði hinsvegar að jafna metin stuttu fyrir leikslok en þar var á ferðinni Adam Ljalic sem á sínum tíma samdi við Manchester United. Hann setti þá aukaspyrnu af stuttu færi snyrtilega í netið. Spurningarmerki verður hinsvegar að setja við varnarvegginn sem og Joe Hart í markinu.

Þurfti því að grípa til vítaspyrnukeppni þar sem Manchester City hafði betur. Kolorov misnotaði spyrnu sína en Joe Hart bjargaði honum er hann varði slaka spyrnu Seydou Doumbia. Hann varði síðan næstu spyrnu frá nafna Doumbia, Seydou Keita og tryggði Manchester City sigurinn.

Mörkin úr leiknum má sjá hér í spilaranum fyrir ofan sem og vítaspyrnukeppnina í spilaranum hér fyrir neðan. Leikur Bayern Munchen og Inter var flautaður á skömmu seinna en hann er í beinni útsendingu á Stöð 2 Sport 2 og Stöð 2 Sport 2 HD.