Wijnaldum getur ekki beðið eftir fyrsta leik Newcastle

Newcastle United hefur gengið frá fimm ára samningi við hollenska miðjumanninn Georginio Wijnaldum frá PSV Eindhoven. Kaupverðið er 14,4 milljónir punda sem nemur um rætt tæpum 3 milljörðum íslenskra króna.

Wijnaldum er 24 ára gamall og er þriðji dýrasti leikmaður í sögu Newcastle. Hann verður fimmti Hollendingurinn í leikmannahópi Newcastle en fyrir eru Tim Krul, Daryl Janmaat, Vurnon Anita og Siem de Jong.

"Ég er mjög ánægður að vera leikmaður Newcastle. Mér fannst vera kominn tími til að færa sig um set og Newcastle sýndi að það virkilega vildi fá mig.

Það eru nokkrir Hollendingar hér. Ég þekki þá vel og þeir munu hjálpa mér að líða eins og heima hjá mér í Newcastle. Ég veit að félagið er með frábæran heimavöll og frábæra stuðningsmenn. Mig langar að spila hér eins fljótt og hægt er, mig langar að upplifa andrúmsloftið og heyra í áhorfendum. Ég get ekki beðið eftir að byrja," segir Wijnaldum.