Memphis: Ég valdi Man Utd framyfir Bayern München

Memphis Depay segist hafa valið Manchester United framyfir Bayern München þegar hann yfirgaf herbúðir Hollandsmeistara PSV Eindhoven í vor.

„Það áttu sér stað viðræður við flest stærstu lið Evrópu,“ sagði Memphis í samtali við SportBild.

„Bayern var að sjálfsögðu eitt þessara liða. En á endanum valdi ég Manchester United.“

Memphis segir að Louis van Gaal sé stór ástæða þess að hann valdi United þeir þekkjast frá því Van Gaal var með hollenska landsliðið.

„Ég get ekki sagt hver besti þjálfari heims er,“ sagði Memphis aðspurður hvort það hafi ekki kitlað að leika undir stjórn Peps Guardiola hjá Bayern.

„Það eru til fullt af góðum þjálfurum og Guardiola er einn þeirra. En ég talaði við Louis van Gaal og hann sannfærði mig um að koma til United. Hann lét mér líða eins og ég væri honum mikilvægur, ekki bara sem leikmaður heldur einnig sem manneskja. Þá var ljóst að ég var að fara að velja Manchester United.“

Memphis var markakóngur hollensku úrvalsdeildarinnar í fyrra en hann skoraði 22 mörk fyrir meistara PSV.

Hann er einn fjögurra leikmanna sem United hefur keypt í sumar, ásamt Mattero Darmain, Bastian Schweinsteiger og Morgan Schneiderlin.