Robin van Persie í viðræðum við Fenerbache

Tyrkneska úrvalsdeildarliðið Fenerbache greinir frá því á Twitter-síðu sinni að það sé í viðræðum við hollenska framherjann Robin van Persie, leikmann Manchester United.

Van Persie er á útleið frá United, en hann er ekki í framtíðaráætlunum Louis van Gaals hjá félaginu. Hollendingurinn átti ekki fast sæti í byrjunarliði Manchester United á síðustu leiktíð.

Enskir miðlar hafa greint frá því að United ætlaði að kaupa framherjann út úr samningi sínum, en hann fær um tólf milljónir punda á ári.

Vonaðist það til að sleppa með að borga honum sex milljónir punda, en nú virðist Fenerbache ætla að kaupa leikmanninn.

Fenerbache er nú þegar búið að fá til sín annan United-mann, Portúgalan Nani sem það keypti fyrir fjórar milljónir punda.