Segja sprengjumanninn vera Sáda

Yfirvöld í Kúveit segja að Fahd Suleiman Abdulmohsen al-Qaba'a hafi sprengt sig í loft og þannig myrt minnst 27 manns við mosku sí höfuðborg landsins. Hann er sagður vera frá Sádi-Arabíu og kom til landsins með flugvél einungis nokkrum klukkustundum áður en hann sprengdi sig í loft upp.

Íslamska ríkið hefur lýst yfir ábyrgð á árásinni. Minnst 227 særðust, en þetta er ein blóðugasta hryðjuverkaárs Kúveit í manna minnum.

Lögreglan í borginni Kúveit hefur handtekið 25 ára mann sem sagður er hafa keyrt árásarmanninn að moskunni. Sá tilheyrir Bidoon þjóðflokkinum, en þeir eru afkomendur eyðimerkurhirðingja sem segja ríkisstjórnina neita að veita þeim ríkisborgarrétt auk almenna réttinda. Auk ökumannsins hafa minnst sex aðrir verið handteknir, samkvæmt AP fréttaveitunni.