Svíar fögnuðu eftir sigur Brasilíu | Myndband

Brasilía kláraði sinn riðil á HM kvenna með 100 prósenta árangri með 1-0 sigri á Kostaríku. Sigurinn sá einnig til þess að Svíþjóð, sem spilaði sólarhring áður, er komið áfram.

Raquel Fernandes skoraði eina mark leiksins á 83. mínútu. Suður-Kórea vann Spán á sama tíma, 2-1, og tryggði sér um leið annað sæti riðilsins.

Tvö lið komust áfram úr hverjum riðli sem og þeim fjórum liðum sem bestum árangri náðu í þriðja sæti riðlanna sex.

Svíþjóð fékk þrjú stig í D-riðli eftir að hafa gert jafntefli í öllum sínum leikjum. Svíar spiluðu við Ástralíu á þriðjudagskvöld en þurfti að bíða fram yfir leiki næturinnar til að sjá hvort að þeir kæmust áfram.

Hefði Kostaríka náð að vinna Brasilíu, sem var þegar búið að vinna riðilinn, hefðu Svíar setið eftir. Fögnuður Svía var því mikill þgear Fernandes tryggði Brasilíu sigur.

Kólumbía, Holland og Sviss komust einnig áfram af þeim liðum sem urðu í þriðja sæti riðlanna en Tæland og Kostaríka sitja eftir.

Það er því ljóst hvaða lið mætast í 16-liða úrslitum keppninnar sem hefjast á laugardag.

16-liða úrslitin:

Laugardagur:

20.00 Þýskaland - Svíþjóð

23.30 Kína - Kamerún

Sunnudagur:

17.00 Brasilía - Ástralía

20.00 Frakkland - Suður-Kórea

23.30 Kanada - Sviss

Mánudagur:

21.00 Noregur - England

00.00 Bandaríkin - Kólumbía

02.00 Japan - Holland

Celebrating our qualification into the round of 16 part II. #WWC15 #VM15 #HejaSverige #FIFAWWC #KlappaFörSverige

A video posted by Swedish Women's National team (@swewnt) on Jun 17, 2015 at 7:55pm PDT