Ekvador lifir enn í voninni að komast áfram | Mexíkíó úr leik

Ekvador vann sinn fyrsta sigur í Suður-Ameríkukeppninni þegar liðið bar sigurorð af Mexíkó, 1-2, í kvöld.

Ekvador komst með sigrinum upp í 3. sæti A-riðils en óvíst er hvort stigin þrjú sem liðið fékk dugi því til að komast í átta-liða úrslitin. Ekvador þarf að treysta á hagstæð úrslit í hinum tveimur riðlunum til að sú verði raunin.

Miller Bolaños kom Ekvador yfir á 26. mínútu og á þeirri 57. tvöfaldaði Enner Valencia forystu ekvadorska liðsins. Raúl Jiménez minnkaði muninn í 1-2 úr vítaspyrnu á 64. mínútu en nær komst Mexíkó ekki.

Mexíkó fékk aðeins tvö stig í riðlinum og er úr leik.

Keppni í A-riðli lýkur seinna í kvöld þegar gestgjafar Chile mæta Bólivíu.