6-1 tap í kveðjuleik Gerrard

Stoke valtaði yfir Liverpool í lokaumferð ensku úrvalsdeildarinnar í knattspyrnu í dag. Stoke vann leikinn 6-1, en Steven Gerrard skoraði í lokaleiknum sínum fyrir Liverpool.

Mame Biram Diouf kom Stoke yfir með tveimur mörkum; annað á 22. mínútu og hitt á 26. mínútu.

Jonathan walters, Charlie Adam og Steven Nzonzi bættu við þremur mörkum fyrir hlé og staðan var 5-0 fyrir Stoke í hálfleik! Ótrúlegar tölur.

Í síðari hálfleik var tíðin rólegri, en Steven Gerrard minnkaði muninn í 5-1 þegar tuttugu mínútur voru eftir. Mark í síðasta leik Gerrard fyrir Liverpool.

Heimamenn í Stoke voru ekki hættir því Peter Crouch, fyrrum leikmaður Liverpool, bætti við sjötta marki Stoke rétt fyrir leikslok. Lokatölur 6-1.

Stoke endar í níunda sæti deildarinnar, en Liverpool í því sjötta. Liverpool fer í umspil um laust sæti í Evrópudeildinni.