Munum ekki sakna Cech

Jose Mourinho, knattspyrnustjóri Chelsea, segir að hann muni ekki koma til með að sakna þess að hafa Petr cech hjá félaginu eftir að gengið var frá kaupunum á Asmir Begovic. Begovic mun leika fyrsta leik sinn í byrjunarliði ensku meistaranna gegn Manchester City um næstu helgi eftir að Thibaut Courtois, aðalmarkvörður Chelsea, var rekinn af velli í leik gegn Swansea um helgina.

Ákvörðun Chelsea um að selja Cech til Arsenal sem hefur um árabil verið einn besti markvörður deildarinnar vakti mikla athygli enda ekki á hverjum degi sem leikmenn ganga í sölum og kaupum á milli þessara erkifjenda. Portúgalski knattspyrnustjórinn vildi að Cech myndi leika út samning sinn í bláu en eigandi félagsins, Roman Abrahimovic, samþykkti söluna á tékkneska markverðinum til Arsenal.

Það verður því mikil pressa á Begovic næstu helgi í heimsókn á Etihad vellinum en Mourinho sagði í viðtölum eftir leikinn gegn Swansea að hann hefði ekki áhyggjur af markmannsstöðunni. Félagið hefði gengið frá kaupunum á Begovic til þess að taka stöðu tékkneska markavarðarins og að hans væri ekki saknað á Brúnni.

„Við söknum ekki Petr, við erum með tvo frábæra markverði hjá okkur sem gerir það að verkum að við söknum hans ekkert. Ég var ánægður að félagið gekk frá kaupunum á Asmir strax í stað þess að ljúka þessu undir lok félagsskiptagluggans því ég get treyst á Asmir í næsta leik. Eina vandamálið með Petr er að við vorum að styrkja mótherja okkar,“ sagði Mourinho.