Innlent

Lægsta tilboðið helmingur af kostnaðaráætlun

Sunna Kristín Hilmarsdóttir skrifar
Meðferðarkjarninn.
Meðferðarkjarninn.
Tilboð í fullnaðarhönnun meðferðarkjarna vegna nýbygginga við Landspítalann voru opnuð í dag.

Hópurinn Corpus 3, sem samanstendur af VSÓ verkfræðistofu, VJI verkfræðistofu, Hornsteinum arkitektum og Basalt arkitektum, átti lægsta tilboðið í verkið.

Tilboðið hljóðaði upp á tæpa 1,4 milljarða króna en kostnaðaráætlun verksins var rúmir 2,7 milljarðar. Alls bárust fjögur tilboð sem öll voru töluvert lægri en kostnaðaráætlunin.

Meðferðarkjarninn er stærsta nýbyggingin sem reisa á við Hringbraut, alls 58.500 fermetrar. Þá verða þrjár aðrar nýbyggingar reistar til viðbótar við meðferðarkjarnann.

Þeir sem buðu í fullnaðarhönnun meðferðarkjarnans voru eftirfarandi:

Verkís og TBL 1.563.430.000 kr.

Grænaborg 1.620.593.000 kr.

Corpus 3 1.399.303.400 kr.

Mannvit hf. 1.513.171.040 kr.


Tengdar fréttir

Ekki nokkur spurning um nýjan spítala við Hringbraut

Heilbrigðisráðherra segir það ekki nokkra spurningu að nýbyggingar Landspítala muni rísa við Hringbraut. Málið hefur velkst í pólitíkinni í þrettán ár. Forsætisráðherra segir staðsetninguna ekki hafa verið samþykkta á Alþingi.

Framkvæmdir hefjast í sumar

„Okkur er ekkert að vanbúnaði. Það er öllum ljóst að Landspítalinn getur ekki búið mikið lengur við núverandi aðstæður, hvorki sjúklinganna né starfsfólksins vegna. Lélegur húsakostur er farinn að standa starfseminni fyrir þrifum en nú er tækifæri til að snúa vörn í sókn,“ segir Kristján Þór Júlíusson heilbrigðisráðherra.

Bjarni á móti einkaframkvæmd við fjármögnun nýs spítala

Fjármálaráðherra er mótfallinn því að Landspítalinn fari í einkaframkvæmd eins og með eignatryggðri fjármögnun. Hann segir almennt ekki hafa gefist vel að einkaaðilar byggi tekjumódel sitt á leigugreiðslum ríkisins. Ólíklegt er að nýr spítali verði reistur fyrir eigið fé ríkisins á næstunni.

Mest lesið


Fleiri fréttir

Sjá meira


×

Mest lesið