Út­lit fyrir úrkomubakka og þoku­loft

Þetta er meðal þess sem fram kemur í hugleiðingum veðurfræðings Veðurstofu Íslands. Þar segir að annars staðar en á Suðurlandi verði stöku skúrir á sveimi. Hitastigið yfir daginn verði víðast hvar á bilinu sjö til tólf stig en eitthvað svalara að næturlagi.

Vindátt verður norðaustlægari á morgun, laugardag og þá verður væta með köflum norðan- og austanlands og fremur svalt og jafnvel þokuslæðingur sums staðar, en það birtir til syðra og áfram milt. Norðanáttin gengur niður á sunnudag, hægur vindur, skýjað með köflum og þurrt að kalla. Djúp lægð er svo í kortunum á mánudag sem vert er að fylgjast vel með.

Veðurhorfur á landinu næstu daga:

Á laugardag:

Norðaustlæg átt, 3-10 m/s og rigning með köflum, einkum norðaustantil, en bjart með köflum sunnan- og suðvestanlands. Hiti 7 til 13 stig, svalast norðaustanlands.

Á sunnudag:

Breytileg átt, 3-8, skýjað með köflum og stöku skúrir. Hiti breytist lítið.

Á mánudag:

Gengur í allhvassa eða hvassa suðaustanátt með rigningu, talsverð suðaustanlands, en snýst í heldur hægari sunnanátt með skúrum seinnipartinn. Hiti 7 til 14 stig.

Á þriðjudag, miðvikudag (haustjafndægur) og fimmtudag:

Útlit fyrir sunnan- og suðvestanátt með skúrum, en bjart norðaustantil. Heldur kólnandi.