Knattspyrnukona pínd til að afklæðast til að sanna að hún væri kona

Genoveva Anonma er fremsta knattspyrnukona Miðbaugs-Gíneu og ein af þeim allra bestu í Afríku en alla tíð hefur hún þurft að þola sögusagnir og ásakanir um að hún væri ekki kvenmaður.

Anonma hristi af sér af allar móðganirnar og alla orðrómanna en versta stund hennar var þó í Afríkukeppninni 2008 þegar hún átti að vera hetja mótsins eftir að hafa tryggt Miðbaugs-Gíneu fyrsta Afríkumeistaratitilinn í sögu þjóðarinnar.

Mótherjar Miðbaugs-Gíneu sökuðu Anonma hinsvegar um að vera karlamaður og heimtuðu að hún sýndi fram á annað. Afríska knattspyrnusambandið valdi afar ómanneskjulega leið til að þess að sanna kyn Genoveva Anonma.

„Þeir báðu um um að afklæðast fyrir framan fulltrúa frá afríska sambandinu og fulltrúa Miðbaugs-Gíneu liðsins," sagði Genoveva Anonma í viðtali við BBC.

Genoveva Anonma er 27 ára gömul og 170 sentímetrar á hæð en hún spilar sem framherji. Hún hefur spilað með A-landsliðinu frá því að hún var aðeins fimmtán ára gömul.

„Mér var mikið niðri fyrir, mér leið mjög illa og ég grét. Þetta var mjög auðmýkjandi en með tímanum þá hef ég komist yfir þetta," sagði Genoveva Anonma.

Genoveva Anonma hefur spilað með þýska stórliðinu Turbine Potsdam frá 2011. Tímabilið 2011-12 varð hún fyrsta erlenda knattspyrnukonan til þess að verða markadrottning í þýsku deildinni og árið 2012 var hún kosin besta knattspyrnu Afríku.

Genoveva Anonma hefur skorað 57 mörk í 71 deildarleik með Turbine Potsdam en þar á undan lék hún með FF USV Jena.

BBC skrifaði um þessa skelfilegu lífsreynslu Genoveva Anonma í tengslum við umfjöllun sína um Afríkukeppnina í fótbolta sem fer fram í Miðbaugs-Gíneu í þessum mánuði.