Jón Ólafsson lokar aðgangi að Búra, einum merkasta helli landsins Jakob Bjarnar skrifar 26. júní 2014 11:49 Búri er einhver merkasti hellir landsins, en þessa mynd tók náttúruljósmyndarinn Ellert Grétarsson, sem hefur sent Umhverfisstofnun erindi vegna málsins -- hann vill fá úr þessu skorið með lögformlegum hætti. Ellert Grétarsson Náttúruunnendur margir hverjir eru gramir vegna þess að Jón Ólafsson, athafna- og kaupsýslumaður, hefur lokað hellum í landi sínu Hlíðarenda í Ölfusi, þar sem vatnsverksmiðja hans stendur. Þegar landið undir verksmiðjuna var keypt á sínum tíma, af Ölfushreppi, fylgdu með í kaupunum merkir hellar sem standa í grennd við helstu vatnsból fyrirtækisins. Sjónarmið landeigenda eru hins vegar skýr - þeir segja átroðning óásættanlegan. Fréttastofa fjallaði um þetta mál í gær, Ómar Smári Ármannsson lögreglumaður og náttúruunnandi kom að hellinum Gjögur, sem fannst fyrir um hálfu ári, rammlega lokuðum með keðjum. Jón hefur einnig látið loka hellinum Búra, sem er með merkustu hellum landsins. Ómar Smári telur þetta ekki standast lög en Guðmundur Þorsteinsson hjá Hellarannsóknarfélaginu stóð að lokunninni að ósk eiganda. Guðmundur segir fólk hópast í hellinn og umgengni sé fyrir neðan allar hellur.Gjögur hefur verið lokað af Jóni Ólafssyni, og Ómar Smári Ármannsson er allt annað en sáttur.Ætla ekki að rukka inn sjálfirJón Haraldsson er tæknistjóri hjá vatnsverksmiðjunni og sér um aðgerðir er snúa að Hlíðarendalandinu. Vísir spurði hann nánar út í afstöðu eigenda. „Við erum ekki að fara að loka þessum hellum fyrir fullt og allt. Það eru fleiri hellar á jörðinni hjá okkur sem eru opnir og fólki er frjálst að fara um jörðina. En, það er sérstaklega mikill ágangur, einkum í Búra, það eru einhverjar ferðaskrifstofur að selja ferðir í hann, hafa verið að fara þangað með stóra hópa, og það er bara orðið hálfgert ófremdarástand á jörðinni. Það er ekki gengið vel um. Og ekki sýnd nægileg virðing. Þetta er á viðkvæmu svæði fyrir okkur. Menn eru að fara á stórum bílum fyrir ofan vatnslindina hjá okkur. Og við erum að reyna að ná utan um þetta,“ segir Jón. Jón nefnir að fyrirtækið sé í samstarfi við Hellarannsóknafélag Íslands hvað þetta varðar. „Þeir vildu gera ákveðnar rannsóknir á þessum helli. Mér skilst að þetta sé stærsti hraunhellir sem fundist hefur á Íslandi í átta hundruð ár. Við vildum leyfa honum að njóta vafans. Og náttúrunni.“Munni Gjögurs. Þar hefur Hellarannsóknarfélagið sett miklar keðjur fyrir og komast menn því ekki í hellinn.Ellert GrétarssonStríðið um landið og átroðningur Jón segir af og frá að þeir ætli að fara að rukka sjálfir inn í hellinn. „Við erum í allt öðrum bisness.“ Jón segir jafnframt að Hellarannsóknarfélagið hafi verið í samskiptum við umhverfisráðuneytið, vegna málsins, en það gangi afskaplega hægt fyrir sig. Lagaleg óvissa ríkir um málið, því um það kveður í gömlum lagabókum, Grágás og Jónsbók, að almenningur eigi skýlausan rétt á að fara um landið. En, þá ber til þess að líta að forsendur hafa gjörbreyst á allra síðustu árum með holskeflu ferðamanna til landsins. Jón segir að þeir hafi einkum orðið varir við aukinn átroðning á síðasta ári, en þeir fara reglulega á staðinn til að týna upp rusl og huga að umgengninni. Þannig tengist Búramálið fleiri málum sem hafa verið ofarlega á baugi að undanförnu, gjaldtöku við náttúruperlur, stríðinu um landið og verndun þess. Óstjórn ríkir. „Maður ímyndar sér bara hvernig hlutir geta verið annars staðar. Maður sér ekki að Ísland verði mjög merkilegt þegar það er búið að troða það niður og út eins og hérna hjá okkur. Umhverfisráðuneytið hlýtur að samþykkja þetta miðað við kröfurnar sem gerðar voru til okkar þegar við vorum að byggja þessa verksmiðju. Ég geri ekki ráð fyrir öðru en ráðuneytið vilji vernda náttúruna eins og við,“ segir Jón Haraldsson hjá Iceland Water Holdings. Mest lesið Stillir viðtækið á alheimsdögunina Innlent „Massíf slysaslepping á vondu frumvarpi“ Innlent Verðhækkanir á döner-kebab eitt helsta áhyggjuefni Þjóðverja Erlent Beinagrindur og ástarsorg á Bessastöðum Innlent Forsetavaktin 2024: Hver verður sjöundi forseti lýðveldisins? Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent „Skítkastið var ógeðslegt“ Innlent Ný nálgun Samfylkingar í orkumálum konfekt í eyrum Jóns Innlent Fleiri fréttir SA og SFF skrifuðu undir langtímakjarasamning Agnes segir nýjan biskup taka við annarri kirkju en hún tók við Stýrivextir, Eurovision og biskupskjör „Skítkastið var ógeðslegt“ Fiskadauði í einni af mestu sjóbirtingsveiðiám landsins Valtýr ráðinn yfirlæknir Ný nálgun Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Sjá meira
Náttúruunnendur margir hverjir eru gramir vegna þess að Jón Ólafsson, athafna- og kaupsýslumaður, hefur lokað hellum í landi sínu Hlíðarenda í Ölfusi, þar sem vatnsverksmiðja hans stendur. Þegar landið undir verksmiðjuna var keypt á sínum tíma, af Ölfushreppi, fylgdu með í kaupunum merkir hellar sem standa í grennd við helstu vatnsból fyrirtækisins. Sjónarmið landeigenda eru hins vegar skýr - þeir segja átroðning óásættanlegan. Fréttastofa fjallaði um þetta mál í gær, Ómar Smári Ármannsson lögreglumaður og náttúruunnandi kom að hellinum Gjögur, sem fannst fyrir um hálfu ári, rammlega lokuðum með keðjum. Jón hefur einnig látið loka hellinum Búra, sem er með merkustu hellum landsins. Ómar Smári telur þetta ekki standast lög en Guðmundur Þorsteinsson hjá Hellarannsóknarfélaginu stóð að lokunninni að ósk eiganda. Guðmundur segir fólk hópast í hellinn og umgengni sé fyrir neðan allar hellur.Gjögur hefur verið lokað af Jóni Ólafssyni, og Ómar Smári Ármannsson er allt annað en sáttur.Ætla ekki að rukka inn sjálfirJón Haraldsson er tæknistjóri hjá vatnsverksmiðjunni og sér um aðgerðir er snúa að Hlíðarendalandinu. Vísir spurði hann nánar út í afstöðu eigenda. „Við erum ekki að fara að loka þessum hellum fyrir fullt og allt. Það eru fleiri hellar á jörðinni hjá okkur sem eru opnir og fólki er frjálst að fara um jörðina. En, það er sérstaklega mikill ágangur, einkum í Búra, það eru einhverjar ferðaskrifstofur að selja ferðir í hann, hafa verið að fara þangað með stóra hópa, og það er bara orðið hálfgert ófremdarástand á jörðinni. Það er ekki gengið vel um. Og ekki sýnd nægileg virðing. Þetta er á viðkvæmu svæði fyrir okkur. Menn eru að fara á stórum bílum fyrir ofan vatnslindina hjá okkur. Og við erum að reyna að ná utan um þetta,“ segir Jón. Jón nefnir að fyrirtækið sé í samstarfi við Hellarannsóknafélag Íslands hvað þetta varðar. „Þeir vildu gera ákveðnar rannsóknir á þessum helli. Mér skilst að þetta sé stærsti hraunhellir sem fundist hefur á Íslandi í átta hundruð ár. Við vildum leyfa honum að njóta vafans. Og náttúrunni.“Munni Gjögurs. Þar hefur Hellarannsóknarfélagið sett miklar keðjur fyrir og komast menn því ekki í hellinn.Ellert GrétarssonStríðið um landið og átroðningur Jón segir af og frá að þeir ætli að fara að rukka sjálfir inn í hellinn. „Við erum í allt öðrum bisness.“ Jón segir jafnframt að Hellarannsóknarfélagið hafi verið í samskiptum við umhverfisráðuneytið, vegna málsins, en það gangi afskaplega hægt fyrir sig. Lagaleg óvissa ríkir um málið, því um það kveður í gömlum lagabókum, Grágás og Jónsbók, að almenningur eigi skýlausan rétt á að fara um landið. En, þá ber til þess að líta að forsendur hafa gjörbreyst á allra síðustu árum með holskeflu ferðamanna til landsins. Jón segir að þeir hafi einkum orðið varir við aukinn átroðning á síðasta ári, en þeir fara reglulega á staðinn til að týna upp rusl og huga að umgengninni. Þannig tengist Búramálið fleiri málum sem hafa verið ofarlega á baugi að undanförnu, gjaldtöku við náttúruperlur, stríðinu um landið og verndun þess. Óstjórn ríkir. „Maður ímyndar sér bara hvernig hlutir geta verið annars staðar. Maður sér ekki að Ísland verði mjög merkilegt þegar það er búið að troða það niður og út eins og hérna hjá okkur. Umhverfisráðuneytið hlýtur að samþykkja þetta miðað við kröfurnar sem gerðar voru til okkar þegar við vorum að byggja þessa verksmiðju. Ég geri ekki ráð fyrir öðru en ráðuneytið vilji vernda náttúruna eins og við,“ segir Jón Haraldsson hjá Iceland Water Holdings.
Mest lesið Stillir viðtækið á alheimsdögunina Innlent „Massíf slysaslepping á vondu frumvarpi“ Innlent Verðhækkanir á döner-kebab eitt helsta áhyggjuefni Þjóðverja Erlent Beinagrindur og ástarsorg á Bessastöðum Innlent Forsetavaktin 2024: Hver verður sjöundi forseti lýðveldisins? Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent „Skítkastið var ógeðslegt“ Innlent Ný nálgun Samfylkingar í orkumálum konfekt í eyrum Jóns Innlent Fleiri fréttir SA og SFF skrifuðu undir langtímakjarasamning Agnes segir nýjan biskup taka við annarri kirkju en hún tók við Stýrivextir, Eurovision og biskupskjör „Skítkastið var ógeðslegt“ Fiskadauði í einni af mestu sjóbirtingsveiðiám landsins Valtýr ráðinn yfirlæknir Ný nálgun Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Sjá meira