Lítið skorað í leikjum dagsins

Fimm leikir hófust klukkan 3 í ensku úrvalsdeildinni í fótbolta í dag og var aðeins skorað í tveimur þeirra.

Tottenham og Crystal Palace gerðu markalaust jafntefli og eins Hull og WBA en QPR skoraði bæði mörkin í nýliðslagnum.

Leroy Fer kom QPR yfir í nýliðaslagnum gegn Burnley á 51. mínútu. Charlie Austin sem lagði upp markið bætti svo sjálfur við markið sextán mínútum fyrir leikslok. Tveimur mínútum síðar var Austin rekinn af leikvelli þegar hann fékk sitt annað gula spjald.

Burnley náði ekki að nýta liðsmuninn og vann QPR mikilvægan sigur í fallbaráttunni. QPR er komið úr fallsæti en liðið er með 14 stig í 17. sæti. Burnley er tveimur sætum neðar með 12 stig.