Natóríki hervæðast við landamæri Rússlands

Rússneski varnarmálaráðherrann Sergeir Shoigu lýsti í gærkvöldi yfir miklum áhyggjum yfir því sem hann kallar liðssöfnuð Nato-ríkjanna við landamæri Rússlands, sem eigi sér enga hliðstæðu.

Þetta kom fram í samtali sem ráðherrann átti við kollega sinn í Bandaríkjunum, Chuck Hagel. Spennan á milli Rússa og vesturlanda vegna ástandsins í austurhluta Úkraínu fer enn vaxandi en Shoigu mun þó í sama símtali hafa heitið því að Rússar ætli sér ekki að ráðast inn í landið. Bandaríkjamenn segjast hafa fjölgað í herliði sínu í Evrópu til þess að hughreysta bandamenn Nató á svæðinu og í gær ákváðu yfirvöld þar í landi að herða enn á refsiaðgerðum gagnvart rússneskum áhrifamönnum.