Þúsundir mótmæltu í Moskvu

Yfir hundrað mótmælendur voru handteknir í Moskvuborg í gær. Meðal hinna handteknu var Alexei Navalny, einn þekktasti aðgerðasinni landsins, en mótmælin brutust út í kjölfar þess að bróðir hans var dæmdur í fangelsi. Navalny var fluttur aftur á heimili sitt þar sem hann hefur setið í stofufangelsi síðan í febrúar.

Er heim var komið tísti Navalny á samskiptavefnum Twitter þar sem hann brýndi fyrir fólki að mótmæla áfram. Pútín gæti ekki handtekið alla. Fjöldi mótmælenda var vel á þriðja þúsund.