Stórhýsi brann til kaldra kola

Það þurfti yfir 250 slökkviliðsmenn til að ráða niðurlögum elds sem kviknaði í Los Angeles í gær. Framkvæmdir stóðu yfir í húsinu sem varð eldinum að bráð en til stóð að opna verslanir á neðstu hæðum þess en efri hæðirnar áttu að hýsa fólk.

Sjö hæða hátt húsið brann til kaldra kola. Eldurinn náði að breiða úr sér í tvær nærliggjandi byggingar og loka þurfti nálægum hraðbrautum meðan unnið var að slökkvistarfi. Rannsókn fer fram á tildrögum eldsins en talið er að kveikt hafi verið í. Engin slys urðu á fólki.