Uppgötvuðu kannabisræktun í Akralandi

Mikið magn af kannabisplöntum var haldlagt í Akralandi í Fossvoginum í Reykjavík í gær.

Lögreglu var tilkynnt um ræktunina eftir að tekið var eftir að ekki var búið í íbúðinni og hún aðeins nýtt í kannabisræktun.

Fréttablaðið ræddi við nokkra íbúa í húsinu en enginn þeirra hafði orðið var við ræktunina. Íbúðin mun hafa verið í útleigu og var eigendum hennar gert viðvart í gær. 

Þeir vildu ekki tjá sig við blaðið að öðru leyti en að þeir tengdust málinu ekki neitt.