Skotinn til bana af ísraelskum hermanni

Adnan Abu Khater, 16 ára drengur frá Palestínu, var skotinn til bana af ísraelskum hermanni í gær en hann var þá staddur við landamæri landanna.

Hermaðurinn ku hafa skotið drenginn í fótinn með þeim afleiðingum að hann lést af völdum blæðinga.

Samkvæmt talsmanni ísraelska hersins eiga nokkrir aðilar að hafa unnið skemmdaverk við landamæragirðingu og í kjölfarið mun hermaðurinn þá hafa látið til skara skríða.

Mikil spenna er á Gazasvæðinu og mun atvikið hafa hellt olíu á eldinn.