Fimm ungmenni myrt í Kanada

Fimm ungmenni, fjórir karlmenn og kona, voru stungin til bana í heimahúsi í Calgary í Kanada í nótt. BBC greinir frá.

Þrír voru úrskurðaðir látnir á slysstað en tveir létust af sárum sínum á sjúkrahúsi skömmu síðar. Talið er að þetta sé versta fjöldamorð í sögu borgarinnar.

Tæplega tvítugur karlmaður er í haldi lögreglu, grunaður um verknaðinn. 

Borgarstjórinn í Calgary hefur sent frá sér samúðarkveðjur til aðstandenda þeirra látnu og var minningarstund haldin í borginni í kvöld.

Thoughts and prayers of all Calgarians are with the young people we lost this morning, their families, friends, and university community.

— Naheed Nenshi (@nenshi) April 15, 2014