Ítalskt „HM 2006" þema hjá kínverska liðinu Guangzhou

Marcello Lippi, sem gerði Ítala að heimsmeisturum árið 2006, er búin að fá nóg af þjálfun en þessi 66 ára gamla goðsögn í þjálfaraheiminum segist vera endanlega hættur þjálfun.

Lippi var að þjálfa kínverska félagið Guangzhou Evergrande en hann tilkynnti að væri hættur eftir síðasta leik tímabilsins þar sem liðið vann titilinn fjórða árið í röð.

„Þetta er minn síðasta leikur með liðið. Ég verð 67 ára gamall á næstunni og ég vil ekki þjálfa lengur," sagði Marcello Lippi eftir leikinn sem endaði með 1-1 jafntefli.

Undir stjórn Marcello Lippi varð kínverskur meistari 2013 og 2014. Hann vann einnig fimm ítalska meistaratitla, Meistaradeildina og HM á sínum frábæra ferli sem þjálfari.

Marcello Lippi heldur þó áfram störfum fyrir Guangzhou Evergrande og verður væntanlega tæknilegur ráðgjafi liðsins. Hann þekkir líka næsta þjálfara liðsins vel en Fabio Cannavaro, fyrirliði hans þegar Ítalía varð heimsmeistari 2006, tekur við af honum samkvæmt kínverskum fjölmiðlum.

Fabio Cannavaro er nú orðinn 41 árs gamall en hann er eins og er í þjálfarateymi lið Al-Ahli í Sameinuðu arabísku furstadæmunum.