Merkel varar Cameron við

Þýska blaðið Der Spiegel hefur eftir heimildum innan úr þýsku ríkisstjórninni að Angela Merkel kanslari hafi varað David Cameron forsætisráðherra Breta við með harðorðum hætti á dögunum.

Cameron er undir þrýstingi heimafyrir í ljósi góðs árangurs UKIP flokksins, sem vill að Bretar dragi sig úr Evrópusambandinu. Hann hefur því viðrað þær hugmyndir að Bretar herði innflytjendalöggjöf sína, sem væri þvert gegn stefnu sambandsins.

Merkel er hinsvegar sögð gert Cameron þaðl ljóst að ef hann haldi áfram á þessari braut gæti komið til þess að Bretland gangi einfaldlega úr sambandinu.