Fótbolti

Hælspyrna Henry fann son Ian Wright

Óskar Ófeigur Jónsson skrifar
Thierry Henry sést hér með Bradley Wright-Phillips.
Thierry Henry sést hér með Bradley Wright-Phillips. Vísir/AP
New York Red Bulls er í fínum málum í úrslitakeppni Austurdeildar bandaríska fótboltans eftir 2-0 sigur á D.C United í fyrri leik liðanna.

Hinn 37 ára gamli Thierry Henry lagði upp bæði mörk New York Red Bulls í leiknum en franski framherjinn er nú á sínu fimmta tímabili með liðinu.

Thierry Henry lagði upp fyrra markið fyrir Bradley Wright-Phillips, son Ian Wright, á 40. mínútu með skemmtilegri hælspyrnu en Wright-Phillips skoraði þarna sitt 30. mark á leiktíðinni.

Thierry Henry sló einmitt markamet Ian Wright hjá Arsenal fyrir níu árum síðan.

Peguy Luyindula, fyrrum miðjumaður Paris St Germain, skoraði síðan seinna markið á 74. mínútu eftir aðra sendingu frá Thierry Henry.

Seinni leikur liðanna fer síðan fram á heimavelli D.C United  á laugardaginn kemur. D.C United endaði í efsta sæti í Austurdeildinni en er nú komið upp að vegg fyrir seinni leikinn.

Hér fyrir neðan má sjá myndbönd af mörknum tveimur frá Youtube-síðu deildarinnar.








Fleiri fréttir

Sjá meira


×