Wenger: Náðum ekki að kaupa alla sem við vildum

Arsene Wenger, knattspyrnustjóri Arsenal, viðurkennir að hann hafi ekki náð að landa öllum þeim leikmönnum sem hann var með í sigtinu í sumar. Frakkinn segir að félagið muni bæta úr því í janúar-glugganum.

„Við keyptum góða leikmenn og gerðum vel í félagaskiptaglugganum. Við vildum fá einn leikmann til viðbótar, en það tókst ekki. Við munum bæta úr því í janúar,“ sagði Wenger á fundi með hluthöfum og stuðningsmönnum Arsenal.

„Við höfum góðan kjarna af breskum leikmönnum sem skilja gildi félagasins. Það hefur tapast í leiknum í dag.

„Við þurfum á stuðningi ykkar að halda. Ég hvet ykkur til að styðja við bakið á okkur. Þið eruð ótrúleg. Og ég er þess fullviss að við munum eiga gott tímabil,“ sagði Wenger ennfremur.

Arsenal tekur á móti Hull City í 8. umferð ensku úrvalsdeildarinnar á morgun. Leikurinn hefst klukkan 14:00 og verður sýndur á Stöð 2 Sport 2.