Mourinho: Ronald Koeman átti verðlaunin skilin

Jose Mourinho, knattspyrnustjóri Chelsea, var ekki mikið að svekkja sig yfir því að hafa enn ekki verið kosinn knattspyrnustjóri mánaðarins í ensku úrvalsdeildinni á þessu tímabili þrátt fyrir að lið hans sé með fimm stiga forskot á toppi deildarinnar.

Garry Monk, knattspyrnustjóri Swansea var valinn besti stjórinn í ágúst og Ronald Koeman, knattspyrnustjóri Southampton, fékk þessi verðlaun fyrir september. 

Chelsea fékk jafnmörg stig en skorað fimm mörkum meira en Swansea í ágúst en Southampton náði í tveimur stigum meira en Chelsea-liðið í september.

Mourinho var spurður út í það á blaðamannafundi hvort að það pirraði hann eitthvað að hafa ekki fengið þessi verðlaun.

„Nei, Ronald Koeman á verðlaunin skilin. Hann er frábær náungi og góður vinur minn," sagði Jose Mourinho.

„Önnur ástæða fyrir því að ég er ánægður með þetta er að knattspyrnustjóri mánaðarins tapar alltaf næsta leik. Garry Monk, stjóri Swansea, tapaði á móti okkur," sagði Mourinho sem er alltaf með svörin á hreinu.

Chelsea mætir Crystal Palace á útivelli á morgun þegar enska úrvalsdeildin fer aftur á stað eftir landsleikjahlé.